Забур 140:1—13
Жетекчиге. Дөөтүнүн ыры.
140 Оо, Жахаба, мени жаман адамдардан куткар,Зөөкүр кишилерден сакта.+
2 Алар жамандык кылууну ойлошот,+Эртеден кечке мага сокку урушат.
3 Тилин курчутуп, жыландыкындай кылышат,+Сөздөрү мүйүздүү жыландын уусундай.+ (Села)
4 Оо, Жахаба, мени ыймансыздын колунан куткар,+Мага зыян келтирүүнү ойлоп жүргөндөрдөн,Зөөкүрлөрдөн корго.
5 Бой көтөргөндөр жашыруун тузак тартып,Жолума тор жайып жатышат.+
Мага кылтак салып жатышат.+ (Села)
6 Мен болсо Жахабага: «Сен менин Кудайымсың,Оо, Жахаба, жардам сурап зарлаган үнүмө кулак сал»,— дейм.+
7 Оо, Эгедер Теңир Жахаба, кубаттуу Куткаруучум,Сен согуш күнүндө башымды калкалайсың.+
8 Оо, Жахаба, ыймансыздарды тилегине жеткирбе,Бой көтөрбөшү үчүн, амалдарын ишке ашырганга жол бербе.+ (Села)
9 Мени курчагандардын оозунан чыккан жамандыгыӨздөрүнүн башына түшсүн.+
10 Алардын үстүнө чок жаасын,+Алар отко ташталсын,Терең аңга* ташталып,+Кайра эч качан чыга албасын.
11 Жалаачыга жер үстүнөн орун табылбасын,+Зөөкүрлөрдүн артынан жамандык сая түшүп, түбүнө жетсин.
12 Жахабанын бей-бечараны коргой турганын,Жакырга болушуп, акыйкаттык кыларын билем.+
13 Адил адам ысмыңды даңктайт,Чынчыл адам ар дайым сага жакын болот.+
Шилтемелер
^ Же: «Суу толгон аңга».
