Насаатчы 2:1—26
2 Анан ичимен: «Кана, жыргалга батып* көрөйүнчү, эмне пайда табар экем?» — дедим. Бирок анын да курулай убаракерчилик экенин түшүндүм.
2 Күлкүнү: «Жеткен акылсыздык!» — дедим.
Ал эми жыргалга батуу жөнүндө: «Андан эмне пайда?» — дедим.
3 Шарап ичип рахаттангандан кандай пайда табарымды изилдеп көрмөкчү болдум.+ Ошол эле учурда акылымды тунук сактадым. Асман астындагы кыска өмүрүндө адам баласынын эмне менен алектенгени жакшы болорун билиш үчүн атүгүл акылсыздыкка берилип көрдүм.
4 Чоң иштерди бүтүрдүм:+ өзүмө үйлөрдү курдум,+ жүзүмзарларды отургуздум;+
5 бактарды, сейил бактарды куруп, алардын ичине мөмөлүү дарактардын түр-түрүн отургуздум;
6 токойлордо өскөн бак-дарактарды сугарыш үчүн көлмөлөрдү жасадым;
7 кулдарды, күңдөрдү сатып алдым,+ арасында үйүмдө төрөлгөндөрү да болду. Бодо малымды да, майда малымды да көбөйттүм.+ Алардын саны мага чейин Иерусалимде жашагандардыкынан алда канча ашып түштү.
8 Ошондой эле алтын-күмүш топтодум,+ падышалар менен кол алдымдагы дубандардан да ар кандай дүнүйө-мүлк түшүп турду.+ Ырчы кыз-жигиттерди күттүм, эркектердин жыргалы болгон аялзатынын, көп аялзатынын курчоосунда да болуп көрдүм.
9 Иерусалимде менден мурун жашагандардын баарынан улук болдум, баарынан ашып түштүм.+ Ошол эле учурда акылмандыгыман жазган жокмун.
10 Каалаган нерсемдин баарын кылып, өзүмдү рахаттын эч бир түрүнөн өксүткөн жокмун.+ Жан үрөп кылган эмгегимден улам жүрөгүм кубанычка бөлөндү. Бул бүт эмгегимдин акыбети болду.+
11 Бирок кол менен жасаган бардык иштерим, кылган мээнетим жөнүндө ойлонгондо+ баарынын курулай убаракерчилик экенин жана шамалды кууп жеткенге умтулгандай эле экенин түшүндүм;+ күн астында пайдасы түбөлүктүү эч нерсе деле жок экен.+
12 Анан акылмандык, акылсыздык, наадандык деген эмне экенин билгенге аракет кылып көрөйүн дедим.+ (Себеби падышадан кийин келе турган пенде эмне кыла алат? Ал деле мурункулар кылып келгенди эле кылат.)
13 Ошондо караңгылыктан жарык артык болгондой, акылсыздыктан акылмандык артык экенин аңдадым.+
14 Акылман өз жолун даана көрөт*,+ ал эми акылсыз коюу караңгылыкта жүрөт.+ Бирок экөөнүн тең бара турган жери бир экенин түшүндүм.+
15 Анан ичимен: «Акылсыздын башына эмне түшсө, ал менин да башыма түшөт»,— дедим.+ Анда ушунчалык акылдуу болгонумдун кереги эмне? Ошондо ичимен: «Бул да курулай убаракерчилик»,— дедим.
16 Себеби акылман да, акылсыз да түбөлүккө эсте калбайт.+ Келечекте баары унутулат. Акылсыз сыяктуу эле, акылман да өлөт.+
17 Ошондуктан жашоону жек көрүп кеттим,+ себеби күн астында жасалып жаткан иштердин баары көңүлдү кайт кылчудай сезилди. Бардыгы курулай убаракерчилик экен,+ шамалды кууп жеткенге умтулгандай эле экен.+
18 Мен күн астында жан үрөп кылган эмгегимдин бардыгын жек көрдүм,+ анткени баары менден кийин келе турган адамга калат.+
19 Анын акылдуу же акылсыз болорун ким билет?+ Анткен менен ал менин күн астында катуу мээнет кылып, акылмандык менен тапканымдын баарына ээлик кылат. Бул да курулай убаракерчилик.
20 Ошондо күн астында кара жанымды карч уруп кылган бүт эмгегим жөнүндө ойлонуп, көңүлүм катуу чөктү.
21 Себеби кимдир бирөө акылмандыгын, билимин, шык-жөндөмүн колдонуп оор эмгектенсе да, тапканынын баары мээнет кылбаган башка бирөөгө калат.+ Бул да курулай убаракерчилик, бул да чоң арман.
22 Анда адамдын күн астында жанын сабап кылган бүт эмгегинен, кылган далалатынан эмне пайда?+
23 Өмүр бою анын иштери азап менен, көңүл кайттык менен коштолуп,+ түн ичинде да жүрөгү тынч албайт.+ Бул да курулай убаракерчилик.
24 Адамдын ичип-жеп, жан үрөп эмгектенип рахаттанганынан* өтөр эч нерсе жок.+ Бул да чыныгы Кудайдан экенин түшүндүм.+
25 Анткени менден артык жеп-ичкен ким бар?+
26 Чыныгы Кудай сүйгөн пендесине акылмандык, билим, кубаныч берет.+ Ал эми күнөөкөр тапкан-жыйганын Кудайдын сүйгөн пендесине бериши үчүн, Кудай аны мүлк чогултуп-топтогудай кылып коёт.+ Бул да курулай убаракерчилик, бул да шамалды кууп жеткенге умтулгандай эле экен.
