Ышая 29:1—24
29 «Ариелге*, Дөөтүнүн кошууну жайгашкан+ Ариел шаарына, каран түн түшөт!
Жыл артынан жыл өтсүн;Жыл сайын өткөрүлчү майрамдарды+ өткөрө бергиле.
2 Бирок мен Ариелге алаамат түшүрөм,+Ошондо ал жакты кайгы басат, ый угулат,+Ал Кудайдын курмандык жайынын очогуна айланат.+
3 Оо, Ариел, сага сокку уруш үчүн туш тарабыңа чатыр тигем,Сени жыгач казыктар менен курчайм,Чабуул коюш үчүн айланаңа курулмаларды тургузам.+
4 Сен кулап, басынтыласың;Жерден сүйлөйсүң,Сөздөрүң топурак астынан чыккандай акырын угулат.
Жер астынан чыккан үнүң+ өлгөндөрдү чакырган кишиникиндей угулат,Сөздөрүң топурак астынан шыбырагандай араң чыгат.
5 Сенин душмандарыңдын тобу чаңдай,+Зулумдардын тобу шамал сапырган топондой болуп калат.+
Бул күтүүсүздөн, көз ачып-жумгуча болот.+
6 Мен, асман аскерлеринин Кудайы Жахаба, сага көңүл буруп,Сени күндүн күркүрөгү, жер титирөө, катуу үн менен,Долу шамал, бороон, жалмаган оттун жалыны менен куткарам».+
7 Ошондо Ариелге каршы согушуп жаткан бардык элдер,+Аны менен салгылашып жаткандардын баары,Чабуул коюш үчүн колдонулган мунаралар,Ага алаамат түшүргөндөрТүштөй, түнкү аяндай жок болушат.
8 Ачка киши түшүндө тамак жеп жаткан болот,Бирок ойгонсо — ачка.
Суусап жаткан киши түшүндө суу ичип жаткан болот,Бирок ойгонсо — алы кетип, чаңкап жатат.
Сион тоосуна каршы согушуп жаткан элдердин баары ошондой абалда болот.+
9 Оо, эл-журт, нес болгула, таң калгыла,+Көзүңөрдү жаап, сокур болгула.+
Алар шарап ичишпесе да, мас болуп жүрүшөт;Күчтүү ичимдикти оозуна алышпаса да, теңселип жүрүшөт.
10 Анткени Жахаба силерди катуу уйкуда жаткандагыдай кылып койду;+Ал көзүңөрдү жаап койду: пайгамбарларыңарды сокур кылып койду,+Башыңарды жапты: көрөгөчтөрүңөрдү эч нерсе көрбөй кала тургандай кылып койду.+
11 Силер үчүн аяндын баары мөөр басылган китептеги+ сөздөрдөй болуп калды. Аны окуганды билген бирөөгө берип: «Муну үн чыгарып окуп берчи»,— дешкенде, ал: «Буга мөөр басылыптыр, окуй албайм»,— дейт.
12 Ал эми китепти окуганды билбеген бирөөгө берип: «Муну үн чыгарып окуп берчи»,— дешкенде, ал: «Мен окуганды билбейм»,— деп жооп берет.
13 Жахаба мындай дейт: «Бул эл мага сөз жүзүндө эле сыйынат,Мени оозу менен эле урматтайт,+Жүрөктөрү болсо менден алыс;Алар адамдардын осуяттарын үйрөнүп, ошону менден коркуу деп эсептешет.+
14 Ошондуктан керемет артынан керемет кылып,Бул элди таң калтырам;+Даанышмандарынын даанышмандыгын ойрон кылам,Эстүүлөрү түшүнүгүнөн ажырайт».+
15 Жахабадан жаман оюн жашырганга аракет кылгандардын башына каран түн түшөт!+
Андай кишилер иштерин караңгы жерде кылып:
«Бизди ким көрмөк эле?
Эмне кылып жатканыбызды ким билмек эле?» — дешет.+
16 Силер баарын бузуп бурмалайсыңар!*
Чопо карапачыга теңеле алабы?+
Буюм өзүн жасаган киши жөнүндө:
«Мени ал жасаган эмес»,— дейби?+
Жаратылган нерсе жаратканы тууралуу:
«Ал эч нерсе түшүнбөйт»,— дейби?+
17 Жакын арада Лебанон бакчага айланат.+
Ал бакча токойдой көрүнөт.+
18 Ошол күнү дүлөйлөр китептеги сөздөрдү угат,Коюу караңгылыкта жүргөн сокурлардын көзү көрө баштайт.+
19 Мүнөзү жумшактар Жахабаны ойлоп зор кубанычка бөлөнөт,Жакырлар Ысрайылдын Ыйыгын ойлоп сүйүнөт.+
20 Анткени зулум жок болот,Мактанчаактын ичер суусу түгөнөт,Кыянаттык кылганга даяр тургандардын баары кырылат.+
21 Жалган айтып, башкаларды айыптагандар,Шаар дарбазасынын алдында өзүн коргогон кишиге тор жайгандар,+Жалган жүйө келтирип, адил адамга адилеттик кылбагандар жок болушат.+
22 Ошондуктан Ыбрайымды куткарган Жахаба+ Жакыптын урпактарына:
«Жакып эми уят болбойт,Өңү кубарбайт*.+
23 Анткени ал жанына чогулган,Менин колуман бүткөн балдарын көргөндө,+Алар менин ысмымды ыйык тутушат;Ооба, Жакыптын Ыйык Кудайын ыйык тутушат,Ысрайылдын Кудайын кастарлап турушат.+
24 Ошондо адашып жүргөндөр түшүнүккө ээ болушат,Наалыгандар насаатты кабыл алышат»,— дейт.
Шилтемелер
^ Сыягы, «Кудайдын курмандык жайынын очогу» дегенди билдирет жана Иерусалимге карата айтылган.
^ Же: «Силер кандай гана бузулдуңар!»
^ Б. а. уят болуп жана көңүлү кайт болуп өңү кубарбайт.
