Эстер 9:1—32
9 Падышанын буйругу менен мыйзамы+ он экинчи айдын, адар айынын,+ он үчүнчү күнү аткарылмак. Бирок жүйүттөрдүн душмандары аларды жайлайбыз деп күтүп келген ошол күнү баары тескерисинче болуп чыкты: жүйүттөр кайра аларды жек көргөн душмандардын өздөрүн жайлап салышты.+
2 Акашберош+ падышага караштуу дубандарда жашаган жүйүттөр аларга жамандык кылгысы келгендерди өлтүрүш үчүн өз шаарларына чогулушту. Элдин баары алардан коркуп калгандыктан, эч кимиси туруштук бере алган жок.+
3 Мордохайдан корккондуктан дубандарды башкарган бардык төрөлөр, дубандардын башкаруучулары,+ башкы башкаруучулар жана падышанын иштерин аткаргандар жүйүттөргө жардам берип жатышты.
4 Анткени Мордохай ак сарайдагы таасири күчтүү+ киши болуп калган эле. Барган сайын бийлиги күчтөнүп, зоболосу көтөрүлө бергендиктен, бүт дубандарга анын атагы чыкты.
5 Жүйүттөр душмандарын кылыч мизине алып, баарын кырып, жүйүттөрдү жек көргөндөрдү өздөрү каалагандай кылып жатышты.+
6 Алар Шушан+ сепилдүү сарайында 500 кишини өлтүрүштү.
7 Ошондой эле Паршандатты, Далпонду, Аспатты,
8 Поратты, Адалияны, Аридатты,
9 Пармаштаны, Арисайды, Аридайды, Байзатты өлтүрүштү.
10 Алар жүйүттөрдүн душманы+ Амадаттын уулу Амандын 10 уулу болчу. Бирок аларды өлтүргөндөн кийин эч кимисинин мүлкүнө тийишкен жок.+
11 Ошол күнү падышага Шушан сепилдүү сарайында канча киши өлтүрүлгөнүн айтышты.
12 Ошондо падыша Эстер канышага: «Жүйүттөр Шушан сепилдүү сарайында 500 кишини, Амандын 10 уулун өлтүрүшсө, анда башка дубандарда андан да көптү өлтүрүшсө керек.+ Сенин дагы эмне өтүнүчүң бар? Айт, сөзсүз орундатам. Дагы эмнени каалайсың? Айт, сөзсүз аткарам»,— деди.
13 Эстер: «Эгер падышам макул болсо,+ Шушандагы жүйүттөргө эртең да бүгүнкү мыйзам боюнча иш кылганга уруксат этсин.+ Амандын 10 уулунун сөөгүн болсо устунга астырып салсын»,+— деди.
14 Падыша ошондой буйрук берди. Ал мыйзам Шушанда жарыяланып, Амандын 10 уулун устунга асышты.
15 Шушандагы жүйүттөр адар айынын+ он төртүнчү күнү кайра чогулуп, Шушанда 300 кишини өлтүрүштү. Бирок эч кимисинин мүлкүнө тийишкен жок.
16 Падышага караштуу дубандарда жашаган жүйүттөр да чогулуп, өздөрүн коргоп,+ аларды жек көргөндөрдүн 75 000 кишисин өлтүрүп, душмандарынан өч алышты.+ Бирок эч кимисинин мүлкүнө тийишкен жок.
17 Бул адар айынын он үчүнчү күнү болду. Ал эми он төртүнчү күнү алар тынч алып, тойлоп, кубанып-шаттанышты.
18 Шушанда жашаган жүйүттөр болсо ошол айдын он үчүнчү+ жана он төртүнчү күнү+ коргонуш үчүн чогулушту. Он бешинчи күнү болсо тынч алып, тойлоп, кубанып-шаттанышты.
19 Ал эми башка шаарларда жашаган жүйүттөр адар айынын он төртүнчү күнү тойлоп, кубанычка бөлөнүп, майрам өткөрүп,+ тамак-ашын бири-бири менен бөлүшүп жатышты.+
20 Мордохай+ бул окуялардын баарын жазып, Акашберош падышага караштуу алыскы жана жакынкы дубандарда жашаган жүйүттөрдүн баарына кат жөнөттү.
21 Ал аларга жыл сайын адар айынын он төртүнчү жана он бешинчи күндөрү майрам өткөргүлө деп буйрук кылды.
22 Анткени жүйүттөр ошол күндөрү душмандарынын баарынан куткарылып, ошол айда алардын кайгысы кубанычка, зар-муңу+ майрамга айланды. Ошондуктан Мордохай аларга ошол күндөрү тойлоп, кубанып-шаттанып, тамак-ашын бири-бири менен бөлүшүүнү, жакырларга кайыр-садага берүүнү буйрук кылды.
23 Жүйүттөр Мордохай жазып жибергендей кылып, өздөрү белгилей баштаган майрамды жыл сайын белгилемекчи болушту.
24 Анткени жүйүттөрдүн душманы Агактын+ тукумдарынан болгон Амадаттын уулу Аман+ жүйүттөрдү кырыш үчүн+ амал ойлоп, аларды дүрбөлөңгө түшүрүп, жок кылыш үчүн пур,+ башкача айтканда, өкчөмө таш ыргыткан болчу.
25 Бирок Эстер падышанын алдына барганда, падыша: «Анын жүйүттөргө каалаган жамандыгы+ өз башына түшсүн»,— деп жазуу түрүндө буйрук+ берген. Анан Аман менен анын уулдарын устунга асып салышкан.+
26 «Пур»+ деген сөздөн улам ал майрам Пурим* деп аталып калган. Катта жазылгандардан жана өздөрү күбө болгон, башынан өткөргөн окуялардан улам
27 жүйүттөр өздөрү да, укум-тукумдары да, аларга кошулган башка адамдар+ да жыл сайын белгиленген убакта ошол эки күндү милдеттүү түрдө майрамдайбыз жана катта ошого байланыштуу жазылгандарды аткарабыз деп чечишти.
28 Ошол эки күндү ар бир үй-бүлө, ар бир дубан, ар бир шаар, ар бир муун эсинен чыгарбай, дайыма белгилеши керек. Жүйүттөр Пурим күндөрүн дайыма белгилеши керек, ошондой эле ал күндөрдү алардын тукумдары да эч качан унутпашы керек.
29 Пурим жөнүндө айтылгандардын баарын бекитиш үчүн Абыкайылдын кызы Эстер каныша менен жүйүт Мордохай өздөрүнө берилген бийликтин негизинде экинчи жолу кат жазышты.
30 Мордохай Акашбероштун+ падышалыгындагы 127 дубанда+ жашаган жүйүттөрдүн баарына тынчтык тилеген, чындык жазылган кат жөнөттү.
31 Ал катты жүйүттөр белгиленген күндөрү Пурим майрамын орозо кармап,+ Кудайга жалбарып өткөрүшү керектигин бекитиш үчүн жөнөттү.+ Бул жөнүндө жүйүт Мордохай менен Эстер каныша буйрук кылгандан тышкары,+ жүйүттөр өздөрү үчүн да, укум-тукумдары үчүн да дайыма ушинтебиз деп милдеттенме алышкан болчу.+
32 Пурим+ жөнүндө жазылгандардын баары Эстердин буйругу менен бекитилди. Анын буйругу китепке жазылды.
Шилтемелер
^ «Пур» деген сөз «өкчөмө таш» дегенди билдирет. Анын көптүк саны — «пурим». Жүйүттөрдүн диний календары боюнча он экинчи айда белгиленген майрам ушул сөздөн улам Пурим деп аталып калган.
