Ыйык Китепте Кудай Шайтанды жараткан деп айтылбайт. Кудай аны периште кылып жараткан, бирок ал кийин Шайтан болуп калган. Ыйык Китепте Кудай жөнүндө: «Анын иштери жеткилең, жолдорунун баары адилет. Ал — ишенимдүү Кудай, эч качан адилетсиздик кылбайт, ал адил, чынчыл»,— деп айтылат (Мыйзам 32:3—5). Кудай тууралуу айтылган ушул сөздөрдөн Кудай Шайтанды жараткан эмес, чынында, Шайтан бир учурда Кудайдын жеткилең, адил периштелеринин бири болгон деген тыянак чыгарууга болот.

 Иса пайгамбардын Шайтан жөнүндө: «Ал... чындыктан четтеп кеткен»,— деп айтканынан да Шайтандын бир кездерде Кудайга берилген, эч кандай кемчилиги жок, жакшы периште болгонун билүүгө болот (Жакан 8:44).

 Шайтан болуп калган ал периште, Жахаба Кудай жараткан башка аң-сезимдүү тирүү жандардай эле, жакшы менен жаманды айырмалап, өз алдынча чечим чыгарууга укуктуу болгон. Бирок ал периште Кудайга каршы чыгып, адамзаттын түпкү ата-энесин — Адам ата менен Обо энени да — ошого азгырып, Шайтан болуп калган. «Шайтан» деген сөз душман дегенди билдирет (Башталыш 3:1—5; Аян 12:9).