Bukaka butomono yangana mu nza—Bwe lendi bwa telamana?
“Kampe kati kati dia bantu ba kula ku Etats-Unis bamonaka ti bawu kaka bena, babîngi ni bô bê mwa ntwenia.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023 [Epidemi’eto ya bukaka: Rapore ya ministère américain de la Santé mu ndandu za bâka na ndiku, 2023].
“[OMS] yayirikiri komite ya môna yikipaka bindiku ha kati dia bantu, mu sa ti bukaka bwabâ musamu wu bafweti kula yirika mu bungu dia tikolela tia bantu, na mu sa ti tindiku ha kati dia bantu wabâ musamu wa ntete, mpe basarila manzangu mu yirika musamu wo mu nsi zazansoni.”—OMS, 15 novembre 2023.
Bibila malongi ma delakana dihanaka mu tu bakisa mu kurisa bindiku ha kati dia bantu.
Mitieno mia Bibila milendi bakisa
Kuvulandi salaka bisalu bikuhambasaka na bantu. Mu bisalu bia mpila yo mwe na nsalulu ya réseaux sociaux. Buna, dingaka bweso bwa bâka na bantu na bwa bâ na nkatika ndiku.
Mutieno wa Bibila: “Nkatika ndiku luzolo yisongelaka ntangu zazansoni, mpe mpangi yena yabutuka mu bungu dia ntangu za mpasi.”—Bingana 17:17.
Dinga bweso bwa bakisa bantu. Nsalulu za mbote mu bungu dia bantu bindiku zikurisaka, kâ bubote zitusaka mpe ku mutima.
Mutieno wa Bibila: “Kaba kuyôkele nsayi na baka.”—Bisalu 20:35.
Kota mu site’eto mu baka nsangu zakaka za delakana za mu Bibila, za mpila ya tungila bindiku bia mbote.
Dzukula mpe...
MITU-DIAMBU MIAKAKA
Bwe telamana bukaka
Bu monaka ti nge kaka wena, bâ na tivuvu, nsayi, na bubote wulendi bâ musamu wa mpasi—ka wena bo ko.
BINSINSIA BITA NINGANA
Ngano nkatika ndiku ni nani?
Ndiku za mbi ka zena mpasi ko mu baka, kbwe lendi bakila nkatika ndiku?
BETO NI BANANI?
Lomba vizite
Zonzela tiyuvu tia Bibila na Mbangi za Yehova, peleko tomo zaba Mbangi za Yehova.
