Mfumu na organizasio za mu nza zalembane mu tûla tidzunu. Lumbu ti, mizingu mitomono yôka ngolo tûka Muzingu wa nzole wa nza. Kampe miliare zole za bantu—lweka lwalwingi lwa bantu mu nza—babâka mu mbuka ze na mizingu.

 Mu bungu dia bantu balembanaka mu nata tidzunu? Bibila bwe ditâka?

1.  1. Bantu bifu basongelaka bibakabakasaka mu bâ mu tidzunu. Bibila diatâ ti mu ntangu ya beto, “bantu mbo [baketi] bâ na bwimi, ndiku za mbongo, na lumpampani, na lulendo, [. . .] ka babâ ba kwikama ko, [. . .] mbo bakondo [. . .] tiwisa, [. . .] tifu tia tiyimina, mbo babâ na mutima ngolo, [. . .] mbo babâ na tungu, mbo babâ na lulendo lwalwingi.”—2 Timote 3:2-4.

2.  2. Bantu babansoni ka bêna na lenda ko dia yirika misamu miawu tala ti lubakusu lwa Yehova a kâni. Bibila disongele ti “muntu wukwe yende ka wena na lenda ko dia twarisa ntambi zandi.”—Yeremi 10:23.

3.  3. Nza mu lutumu lwa Satana yena, ntwarisi ya ngolo na ya mbi, “ta wubakasa nza ya mukaka.” (Nzabukusu 12:9) Mu bungu ti “nza yayansoni mu lutumu lwa nkwa-mbi yena,” mbo kubâ mvita na mizingu.—1 Za 5:19.

 Bibila ditomono singasa ti tidzunu mbo tikwiza, kâ ka mu nzila ya bantu’â ko, kâ Nzambi kwa nata tio.

•   “‘Mu bungu ti mabanza me nani mu bungu dia beno ma nzebi’, Yehova têle bo. ‘Mabanza ma tidzunu nzololo mu bungu dia beno, ka ma mpasi’â ko. Nzololo naluhana luzingu lwa mbote mu bilumbu bita kwiza, na tivuvu.’”—Yeremi 29:11.

 Bwe Nzambi kalungisila kani dio? “Nzambi yihanaka tidzunu mbo kakosakasa Satana.” (Bisi-Rome 16:20) Nzambi mbo kasarila guvernema’andi ya ku zulu, yi bâtaka mu Bibila “Timfumu tia Nzambi,” mu nata tidzunu mu nza. (Like 4:43) Mu lutumu lwa Yezu Kristo, Mutinu wa Timfumu, bantu mbo balongoka mu bâ mu tidzunu.—Izaya 9:6, 7.

•   Mu zaba miakaka, tanga mutu-diambu wa “Ngano Timfumu tia Nzambi ntia misamu tilungisa?”