BÊNO NA MESO MA TIA!
Nsambululu ya bifwani—Bibila bwe ditâka?
Timvuka tia Catholic News Service tiatêle ti mu ntangu ya mukembo wabêle mu tilumbu tia 25 mars 2022 ku basilique Saint-Pierre, pape François watelamane ha tifwiti tia Mariya, “meso ma kangama mpe mutu wa kondama, bu kabêle sambilaka ku ntia mutima.” Yandi “wayawuri kwe Mariya” mu bungu dia tidzunu. Mutu-diambu wumosi wa Vatican News watêle ti pape wasambiri ngatu “bantu babansoni babâ ba santu mu mutima wa Mariya wa lembo masumu, nsungula bantu ba ku Ukraine na ba ku Russie.”
Ngano bwe ta banza? Ngano wudelakane mu sambila bifwani peleko mu sarila bio mu nsambululu? Tala verse zita landa:
“Kufweti’â wasala tifwiti mu bungu dia nge beni ko, peleko tifwani tia tima ni tima tie ku zulu, peleko ha mutoto, peleko mu mamba. Kufweti’â wafukamana bio ko, mpe kufweti’â wabika ko bakutuma mu sarila bio, mu bungu ti meno Yehova Nzambi’aku, Nzambi ndiena yilombaka ti bakangama kwa kwe meno.”—Ndukulu 20:4, 5. a
“Biteki biawu arza kwa yena na ore, bisalu bia moko ma muntu. Munwa biena, kâ ka bizonzaka ko; meso biena, kâ ka bimonaka ko; makutu biena, kâ ka biwâka ko; mbombo biena, kâ ka biwâka nsunga ko; moko biena, kâ ka bilendi’â biasimba tima ko; malu biena, kâ ka bilendi’â bie yende ko; ka bidukisaka lwaza mu muwuri’awu ko. Bô bayirikaka bio mbo babâ ntiana bawu, na bô basilaka bio lukwikulu.”—Mikunga 115:4-8.
“Meno ni Yehova. Yo ni nkumbu’ani; ka nikabaka mukembo’ani kwe muntu wakaka ko, ka nikabaka nsangu zani kwe bikeki ko.”—Izaya 42:8, note.
“Diokeno nsambululu ya biteki.”—1 Bisi-Korente 10:14.
“Bala ba fioti, seno keba na biteki.”—1 Za 5:21.
Mu baka nsangu zakaka mu mio mi tâka Bibila mu nsalulu ya bifwani mu nsambululu, tanga mutu-diambu wa “Mabanza ma Bibila mu bifwani” peleko tala vídeo ya Ngano Nzambi nsalulu ya bifwani katambulaka mu nsambululu?
Lendi zolo mpe misamu mi tâka Bibila mu biyuvu bita landa:
“Bimangu na bimona-meso—Kwe Nzambi bitûkaka?”
Nswa wa sarila foto: Vincenzo Pinto/AFP via Getty Images
a Yehova ni nkumbu ya Nzambi. (Mikunga 83:18) Tala mutu-diambu wa “Ngano Yehova ni nani?”
Dzukula mpe...
MITU-DIAMBU MIAKAKA
Ngano mabundu mafweti kota mu politike?
Mu nza yayansoni, bantu batâka ti Yezu Kristo balandaka, misamu mia politike batomo kotaka. Ngano bafweti bwasa?
NDONGOSOLO ZA NGURI ZA BIBILA
Ngano Nzambi nsalulu ya bifwani katambulaka mu nsambululu?
Ngano bilendi tu bakisa mu pusana kwe Nzambi yi tulembo monaka?
ESSENTIAL BIBLE TEACHINGS
Ngano mabundu mamansoni Nzambi ma katambulaka?
Mu mbanzulu za bantu babingi, mabundu mamansoni Nzambi ma katambulaka.
BÊNO NA MESO MA TIA!
Mabundu na muzingu wa ku Ukraine—Bibila bwe ditâka?
Mfumu za mabundu bô bata nwama muzingu, lutumu lwawu bata sarila mu mpila ya swaswana na ndongosolo za Yezu kwe milongoki miandi.
