“Ntama ka yingi’â ko, baka bidia bia timpeve mu format elektronike, musamu wa mpasi wabêle mu bakula.” Ngano musamu wo wa luta tambula? Mpangi Geoffrey Jackson watâ wo mu Nsangu za Timvuaka titwarisaka #6 za 2020. Yandi wavutu tâ: “Kâ bwawu bu, bwe taketi sa mu ntangu yi ya coronavirus tala ti JW Library kâni? Tûka ntama Yehova kubika katukubikaka mu bungu dia misamu mia mpila yo.”

 Bwe Yehova kayizi tu kubikila? Ntia tisalu tiadingane mu yirika JW Library, mpe bwe tisalulu tio batomesenaka tio ntangu zazansoni?

 Mu mai 2013, Timvuka titwarisaka tialomba ku tisalu tia MEPS Programming, departema yimosi ya ku Biro ya Yinene, mu yirika application yimosi yaketi bâ na Traduction du monde nouveau ya môna mu kati. Paul Willies, wasala mu bungu dia musamu wo, têle: “Tii buna, ka tatoko’â dukisa application ko mu bungu dia telefone na ordinatere. Kâ, tayizi kubika ekipe; tayizi toko bika bisalu biakaka, mpe tayizi sala na mpangi za bisalu biakaka mu kubika na mu yirika application yo na bima biaketi bâ mu kati. Tasambila kwakwingi, mpe na lubakusu lwa Yehova, application yaduka ku lukutakanu lwa muvu, ngonda tanu ha manima!”

 Nkwamusu yalanda ni mu sa ti application yo yabâ nkatika biblioteke yaketi bâ na mikanda miamingi, mu mazu mamingi. Mu janvier 2015, mikanda mieto miamîngi mia mu anglais miakota mu application, mpe ngonda sambanu ha manima, bantu lenda dia bâ nawu mu benda mikanda miango mu mazu yôka nkama.

 Tûka buna, mpangi zeto zayizi tomesa application yo mu mpila zazingi, bu bayikiri video, bu bakutakase mikanda miamiansoni na media mu lweka lumosi mu bungu dia tukutakanu tweto, mpe bu baheni bweso kwe bantu mu kota mu Guide de recherche tûka mu verse yi bata tanga.

 JW Library mu apareye kampe 8 millions bazibulaka yo bilumbu biabiansoni mpe yôka 15 millions ngonda zazansoni! Ntia tisalu tiafwanane ngatu application yo yatatamana mu sala bubote mu apareye zango? Mpangi Willies têle: “Tisalu tia application ka tiwaka ko. Tufweti yikaka bima bia môna mu sarila yo bubote. Mu bungu ti systemes d’exploitations mise à jour bavulu za saka, tufweti delakasaka application buna buta kwendela misamu. Tufweti saka mpe ti logiciel’eto ya ku kati yabâka ya delakana bu tukwe yiki mikanda na media mu JW Library.” Bwawu bu, mu JW Library mikanda kampe 200 000 mie mô, mpe media yôka 600 000!

 Mu sa ti application yango yasala bubote, tufweti bâ na bisalulu bia Informatique na biakaka. Tufweti sumbaka licences mu bungu dia logiciels. Licence yimosi kampe 1 500 dollars (kampe 869 000 FCFA) yifwaka mu mvula yimosi. Mpe, mu zaba tala ti application mbo yisala bubote mu apareye za môna, tisalu tia MEPS Programming kampe 10 000 dollars (57 950 000 FCFA) tisarilaka mu sumba apareye za môna ntiana telefone, tablete na ordinatere za mpila na mpila.

 JW Library beto yibakisaka mu lembo dukisaka mbongo zazingi mu niemaka mikanda, mu vukaka mio na mu tambikaka mio kwe bantu. Tabongeno tifwani tia mukanda wa Tataluzulaka Matsonoko bilumbu biabiansoni. Mikanda kampe mia 12 millions tayizi niema mu 2013. Kâ mu 2020, kampe 5 millions kwa tayizi niema, kâ bisamuni 700 000 biayikamane mu nza. Ngano mu bungu dia nti? Mpangi zeto zazingi zayika tangaka verse ya tilumbu mu JW Library. a

 JW Library bantu mpe yibakisaka mu mpila zazingi. Geneviève, bâka ku Canada, têle ti mu nzila ya application yo, longoka kavulu longakaka. Yandi vutulu tâ: “Diangana,tala ti mfweti kutakasaka mikanda mi ndie na mio nsatu mu longoka, mbenzi ti ka naketi’â lenda ko mu longokaka bilumbu biabiansoni mu pari. Kâ na application, tablete’ani kwa nibongaka, mpe biabiansoni bie nani nsatu nibakaka. Bu nivululu longokaka, timinu tiani ngolo tiyikamaka, mpe natomono pusana kwe Yehova.”

 Application yo yayizi tomo bâ salu mu ntangu yi ya coronavirus. Charlyn, bâka ku États-Unis, têle: “Mu bungu dia coronavirus yatomono yalangana mu nza, kampe mvula ya mukaka yeka yi nasala lembo vutu mone mikanda mia papier. Kâ JW Library beto yibakisaka mu kipa timpeve tieto, mpe Yehova nita tomo tonda mu bungu dia musamu wo wa luzolo.”

 Faye, bâka ku Philippines, têle mu bukufi mabanza me na bantu babingi. Yandi têle: “Musamu wa nzitukulu wena mu mona ti na application yimosi ndendi bâ penepene na Yehova. Tima ni tio nitoko zibulaka mu pari. Application ni yo niwâka bu nisalaka bisalu bia mu nzo. Ni yo mpe nisarilaka mu kubama mu bungu dia lukutakanu na ndongokolo za Bibila. Ni mô nitangilaka Bibila na mitu-diambu miakaka bu nikêlaka tima. Diangana, ka tiena tima tia mpamba ko.”

 Application yo ya mbote mpe yena mu bungu dia tisalu tia samuna. Mu tifwani, bu keri samunaka, mpangi yimosi ya yikento ya ku Cameroun wadinga mu tanga verse yimosi ya tanga mpangi yakaka tûka bilumbu biabingi. Kâ, yandi keri’â lendaka ko mu baka yo. Yandi têle: “Nsayi yayingi bu ndieri bambukilaka ntêlo yimosi ya verse yango. Bu nazibula application, ka namona mpasi ko mu mona verse yango. Mu application yo, ndendi dinga verse zi nivulu zimbakanaka.”

 Makabu ma mpila na mpila ma lusaka mu donate.dan124.com beto mabakisaka ku kurisa JW Library, mu sa ti yasala bubote na mu tomesa yo mu bungu dia mpangi zeto za mu nza yayansoni. Matondo mu bungu dia lukabu lweno.

1. Octobre 2013—Ndukulu ya application yeri na Traduction du monde nouveau ya môna mu kati

2. Janvier 2015—Mikanda miakaka mia mu anglais, na mu nkama za mazu makaka ha manima

3. Novembre 2015—Bayikiri lenda dia surlignage

4. Mai 2016—Bayikiri lweka lwa tukutakanu

5. Mai 2017—Bayikiri lweka lwa tsonekaka note

6. Decembre 2017—Bayikiri Bibila dia ndongokolo

7. Mars 2019—Lenda dia benda audio, dia tala video mu internet na dia kota mu Guide de recherche

8. Janvier 2021—Bayikiri bisalulu bia môna bia buku dia Bâ mu nsayi ntangu zazansoni!