Muvu batêle muvu, mpangi zazingi za mu tisalu tia nzitukulu tia ntangu zazansoni batikisaka ku Lukulo lwa Galade lwa Watchtower, lusalamaka ku nzo ya ndongokolo ya Watchtower ku Patterson, ku tizunga tia New York. a Ku lukolo lwango, milongoki mbo milongokaka bwe balendi tomesena tisalu tiawu mu organizasio ya Yehova. Lukolo lwango mbo lubabakisaka mu yika ngolo na mu sikamasa bimvuka na misamu mia ku filiale za mu nza.

 Diangana, Lukolo lwa Galade lwa nza yayansoni lwena. Mu tifwani, tikunku (classe) tia 147, tiayôka mu 2019, tiabâ na milongoki 56 miatûka mu nsi 29. Milongoki mikwendaka ku Galade mu tisalu tia ntangu zazansoni miena, ntiana mipasuri-zila mia minene, Betelite, minkengi mia bizunga, misionere.

 Ntangu yayingi ntete lukolo lwa batika bakubamaka. Mu tifwani, departema ya nzietolo ya Biro ya Yinene tike za mipepe za milongoki mia Galade yisumbaka. Mu bungu dia tikunku tia 147 tia Galade, lutangu lwa mbongo lwa tike yimosi lwasiri 1.075 dollars (591.250 FCFA). Milongoki mia ku Îles Salomon mipepe miyà miakotele mu tûla ku Patterson mpe mipepe mitatu bakotele mu kâla ku nsi’awu. Buna, bawu bayizi sa kilometre yôka 35.400! Muna mulongoki 2.300 dollars wafutiri mu bungu dia tike ya mupepe. Mu lembo dukisa mbongo za nkatika zazingi, departema ya nzietolo ya Biro ya Yinene application yimosi yisarilaka mu lundisa tike mu ntalu ya delakana. Mu lembo dukisa kwa mbongo za nkatika zazingi, bu basumbaka tike za mipepe, bon d’achat na makabu makaka basarilaka.

 Mu kota ku Étas-Unis, milongoki miamingi mifweti bâ na visa. Ntiangu depatema ya misiku ya Biro ya Yinene yibabakisaka mu baka visa ya milongoki. Muna mulongoki wufweti futa kampe 510 dollars mu bungu dia visa na mikanda.

 Ntia ndandu tubakaka mu lukolo lu saka milongoki mio? Hendra Gunawan we mukuluntu mu timvuka timosi tia ku Asie du Sud-Est mpe tiabwana milongoki mia ku Galade têle: “Ntete biza, ka tabâ na mipasuri-nzila ko mu timvuka. Kâ, tûka buna, luhemo lwawu na luzolo lwawu lwa mutima biatumini bantu bakaka mu batika tisalu tia mupasuri-nzila. Ha manima, mpangi yimosi ya yikento yabakiri bweso bwa sa Lukolo lwa Bisamuni bia Timfumu!”

 Sergio Panjaitan salaka na milongoki miamingi mia Galade ku Betele yimosi ku Asie du Sud-Est têle: “Lukolo lu basa ka lwabâ kwa lusakumunu lwawu ko, lusakumunu lweto mpe lwena. Miamingi balongokele! Kâ, kani basarila mio mu tizangula, mbo batusongelaka beto mpe, mu mutima wumosi. Lutindusu tubakaka lutubakisaka mu tindisa bantu bakaka.”

 Kwe mbongo za lukolo lo zitûkaka? Mu makabu ma tisalu tia mu nza yayansoni, mpe mamingi lusilaka mu nzila ya donate.dan124.com na mu mpila zakaka. Matondo mamingi mu bungu dia makabu meno, mabakisaka lukolo lo na milongoki mu nza yayansoni.