Samwele wa kwikama wabâ kwe Yehova luzingu lwandi lwalwansoni. Mu buleke bwandi, ka bika ko ti ndiatulu ya mbi ya Ofeni na Finease yamusobesa. (1Sa 2:22-26) Bu keri kwe kuri, Yehova watatamana mu bâ na yandi. (1Sa 3:19) Mu bununu bwandi, Samwele watatamana mu sarila Yehova wa kwikama, ni bu sa ti bala bandi ka balanda tifwani tiandi ko.​—1Sa 8:1-5.

Ngano tifwani tia Samwele nti tilendi tu longesa? Tala ti nge ntwenia yena, bâ na lukwikulu ti Yehova nkwamusu zaku za kazebi, na misamu mi monaka ku mutina. Yandi lendi ku bakisa mu bâ na butindi. (Iz 41:10, 13) Tala ti nge tibuti tiena tie na bala babika mu sarila Yehova, baka lutindusu mu mabanza mata tâ ti Samwele katuma bala bandi ba kula ko mu bâ ba kwikama mu mitieno mia Yehova. Bu kabika misamu ha moko ma Yehova, watatamana mu bâ wa kwikama; buna Tata’andi die ku zulu diatatamana mu mu zolo. Kampe tifwani tiaku mbo tituma mwana’aku mu kâla kwe Yehova.

TALENO VIDEO YA MALONGI MA TIFWANI TIAWU​—SAMWELE, MPE HANENO MVUTU MU BIYUVU BITA LANDA:

• Bu kabâ ntwenia bwe Samwele kasongela butindi?

• Bwe Danny kasongela butindi?

• Bwe Samwele kasongela tifwani tia mbote bu keri wa nuna?

• Bwe bibuti bia Danny biasongela tifwani tia mbote?