Bô kwa bê na ndiatulu ya verela balendi bâ ndiku za Yehova. (1Pi 1:14-16) Milongoki mia Bibila bu mitelamanaka bifu bia mbi, milendi baka ndandu mu misamu mia kanda, mia tikolela, na mia mbongo.

Tomo songela mitieno mia ndiatulu mia Yehova, misamu misaka ti balanda mio, na ndandu zi babakaka bu balandaka mio. Tûla mutima mu bakisa milongoki miaku mu soba mbanzulu zawu, mpe nsalulu zawu mbo zilanda zawu beni. (Efz 4:22-24) Ba hana lukwikulu ti na lubakusu lwa Yehova balendi nunga tifu tia mbi. (Flp 4:13) Ba longesa mu sambilaka Yehova, bu babwaka mu ntontolo ya yirika masumu. Ba bakisa mu zabaka misamu mi bakotesaka mu ntontolo, na mu diokaka mio. Ba tindisa mu yingasa bifu bia mvindu mu nsalulu za verela. Mbo bâ na nsayi, bu mona milongoki mia Bibila mita lenda mu sa nsobolo na lubakusu lwa Yehova.

TALENO VIDEO YA BAKISA MILONGOKI MIAKU MIA BIBILA MU TELAMANA BIFU BIA MBI, MPE HANENO MVUTU MU BIYUVU BITA LANDA:

• Bwe bakuluntu na Neeta basongela lukwikulu mu Jade?

• Bwe Neeta kahanina lubakusu lwakaka kwe Jade?

• Bwe Jade kalombela lubakusu lwa Yehova?