Kwe bô babansoni bazololo Yehova na Zu diandi, Bibila:

Yezu watâ: “Mbo luzaba matieleka, mpe matieleka mbo malukûla.” (Za 8:32, NW) Banza mi wamona ku mutima bu wayizi dzukula matieleka mu Bibila. Ntia mpila nsayi mu zaba ti, mu nza yi yafuluka mu bungungu, tulendi zaba matieleka!​—2 Timote 3:1.

Yehova zololo ti tazaba matieleka. Mpe mu bungu ti bantu ba tuzololo, tuzololo tabazonzelaka matieleka. Kâ sarila Nzambi, tima tiakaka tiena tiyôkele. Mu bungu ti buzitu bwabwingi bwe neto mu bungu dia mitieno mia Yehova, tufweti sa miamiansoni mi tulenda mu landa tifwani tia Yezu mu mbelo’eto. Yezu wabangula bwe tulendi songela kwe Nzambi ti Yandi tuzololo. Yezu watâ ti: “Tala ti lutumamane ntumunu zani, mbo lutatamana mu bâ mu luzolo lwani, ntiana meno bu natumamane ntumunu za Tata mpe ntatamane mu bâ mu luzolo lwandi.”​—Za 15:10, NW.

Yezu tomono zololo Tata’andi. Yezu mbo kayirikaka misamu miamiansoni mi mu tumaka Tata’andi. Tala ti tifwani tia Yezu tulandaka mu mbelo’eto, Yehova mbo katuzolo mpe mbo tutomo bâ mu nsayi. Yezu watâ: “Tala ti misamu mi mia luzebi, nsayi kwe beno tala ti mia lusarilaka.”​—Za 13:17, NW.

Vuvu tie neto ti, buku di mbo dikubakisa mu kwe be mu tintwari na matieleka ma Bibila mpe mu kwizi bâ ndiku ya Nzambi. Sambila tusambilaka ngatu watatamana mu kobesa luzolo lwaku mu bungu dia Nzambi mpe ‘watatamana mu bâ mu luzolo lwandi’ bu kwe be na vuvu tia “luzingu lwa mankululu.”​—Yude 21, NW.