TIMOKO 53
Solaka nsaka ziyangirikaka Yehova
Yehova “Nzambi ya nsayi” yena. (1 Timote 1:11) Yandi zololo ti tabâ mu nsayi mu luzingu lweto. Yehova nsayi kamonaka bu tukubikaka ntangu mu sa nsaka. Mu timoko ti, mbo tumona bwe tulendi sarila ntangu’eto ya mpamba mu mpila yilendi tu natina nsayi mpe yilendi yangirika Yehova.
1. Nti tufweti bambukaka bu tusolaka nsaka zeto?
Ngano nti zoloko bu saka nsaka? Bakaka bazololo mu yôkesaka ntangu’awu ya mpamba mu tidzunu, ku nzo. Bawu bazolo mu tangaka, mu wâka mizike, mu talaka filme peleko mu kwendaka mu Internet. Bakaka bazololo mu vukanaka na ndiku zawu, mu kwe zeba, mu kwe yebela ku mamba peleko mu sa nsaka. Mu nsololo zeto, tufweti bâ na lukwikulu ti nsaka zeto ‘Mfumu za katambulaka.’ (Bisi-Efeze 5:10) Mfunu wena mu bakula musamu wo mu bungu ti nsaka zazingi zisarilaka bima bi yinaka Yehova, ntiana miangu, bunsuza na bunganga. (Tanga Mikunga 11:5.) Nti bitubakisa mu sola nsaka zeto na ndwenga?
Tala ti tusolele ndiku zizoloko Yehova, zilendi tunata mu sa nsobolo za mbote na mu sola nsaka za mbote. Ntiana bu talongokele wo mu timoko tiayôkele, “wô kwe yende na bantu bê na ndwenga mbo kabâ muntu we na ndwenga.” Ku lweka lwakaka, tala ti ntangu tuvulu yôkesaka na bantu balembolo zolo mitieno mia Nzambi, ‘mbo tubwabana na misamu.’—Bingana 13:20.
2. Mu bungu dia nti we mfunu mu zabirilaka ntangu yi tuyôkesaka mu nsaka?
Ni bu sa ti nsaka za mbote tusolaka, tufweti saka keba mu lembo za yôkeselaka ntangu yayingi. Tala ti kâni, tulendi lembo baka ntangu mu bungu dia bima biyôkele mfunu. Bibila ditulombele mu sarilaka “ntangu’[eto] mu mpila yiyôkele bubote.”—Tanga Bisi-Efeze 5:15, 16.
YIKA NDILU
Longoka bwe bongela nzengolo za mbote mu musamu wutariri nsaka zaku.
3. Losa nsaka za mbi
Mu bungu dia nti tufweti tomo solaka nsaka zeto? Taleno VIDEO, mpe zonzeleno biyuvu bita landa.
-
Bwe nsaka za ku Rome ya ntama zidelakane na zakaka za ntangu yi?
-
Mu video, Danny nti kalongoka mu bungu dia nsaka?
Tangeno Bisi-Rome 12:9, mpe zonzeleno tiyuvu eti:
-
Bwe verse yo yifweti sobesela nsololo zaku mu bungu dia nsaka?
Ngano ntia bima Yehova kayinaka? Tangeno Bingana 6:16, 17 na Bisi-Ngalate 5:19-21. Bu lumana tanga muna vese, zonzeleno tiyuvu eti:
-
Ntia bima bi bazonzele mu verse zo vulu monaka mu nsaka za bwawu bu?
Bwe lendi solela nsaka zaku na ndwenga
Tiyula biyuvu bita landa:
-
Nti? Ngano bima bie mô bi yinaka Yehova?
-
Ntia ntangu? Ngano ntangu ya bima bia mfunu yibongaka?
-
Nani? Ngano mbo zikunata mu sa tindiku na bantu balembo zoloko Yehova?
Bubote bwena mu lembo bâka penepene na misamu mia mbi. Ntiangu tufweti diokaka nsaka zi tumonaka ti zilendi bâ za mbi kwe beto
4. Sarilaka ntangu’aku na ndwenga
Taleno VIDEO, mpe zonzeleno tiyuvu tita landa.
-
Ni bu sa ti mpangi ya video ka yeri’â tala tima tia mbi ko, bwe nsalulu ya ntangu’andi ya mpamba yamusobesela?
Tangeno Bisi-Filipe 1:10, mpe zonzeleno tiyuvu eti:
-
Bwe verse yo yilendi ku bakisila mu kubika ntangu yi yôkesaka mu nsaka?
5. Solaka nsaka za mbote mu bungu dia nge
Ni bu sa ti nsaka zazingi zilembo yangirikaka Yehova, misamu miamingi mie kô mia mbote. Tangeno Ekleziaste 8:15 na Bisi-Filipe 4:8, mpe zonzeleno tiyuvu eti:
-
Ngano ntia nsaka za mbote zoloko?
Lendi mona nsayi mu nsaka za mbote
TALA TI BAKUTÊLELE: “Ka bwena bubi ko mu saka nsaka ze na miangu, bunsuza na bunganga tala ti ka nita mia yirika ko.”
-
Ngano bwe lendi tâ?
MU BUKUFI
Yehova zololo ti tasolaka mpe tayangalalaka mu nsaka za mbote.
Biyuvu bia mbambukulu
-
Ntia nsaka Bakristo bafweti losa?
-
Mu bungu dia nti tufweti saka keba mu ntangu yi tuyôkesaka mu nsaka?
-
Mu bungu dia nti tufweti solaka nsaka ziyangirikaka Yehova?
ZABA BIAKAKA
Taluzula nani we na dema dia nsololo za nsaka zeto.
“Ngano Mbangi za Yehova filme ze kô, mabuku na mikunga bayiminaka” (Mutu-diambu wa mu Internet)
Tala bwe tulendi sîla nsololo za ndwenga mu bungu dia ntangu’eto ya mpamba.
“Ngano nsaka zaku za mbote zena?” (Nzo ya Zangama ya Munkengi, 15 octobre 2011)
Mu tinsamu tia “Natelamana mpe mabanza ma mbi mu bakaka,” tala mu bungu dia nti bakala dimosi diasobela nsaka zandi.
“Bibila luzingu disobesaka” (Nzo ya Zanagma ya Munkengi, 1er février 2010)
Tala bwe nguri yimosi yita bongela nzengolo ya ndwenga yitariri nsaka yizonzelaka binsamu bia bademo.
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
