TIMOKO 57
Mbo tala ti siri disumu dia dinene?
Ntono luzolo lwaku lwa ngolo mu Yehova na ngolo zisarilaka mu lembo mu fwemesa, ntangu zakaka mbo tâ makuba. Kâ, masumu makaka mayôkele bunene. (1 Bisi-Korente 6:9, 10) Tala ti yirikiri disumu dia dinene, bambukaka ti Yehova kabikiri’â ko mu ku zolo; Yandi zololo kakulemvokela mpe kakubakisa.
1. Nti tulendi sa mu baka mulemvo wa Yehova?
Bô bazololo Yehova nguria nionga baniongaka bu bayirikaka disumu dia dinene. Kâ lutindusu babakaka mu makani ma Yehova kwe kanda diandi: “Tala ti masumu meno ma mbwaki mena ntiana menga, mbo mabâ ma mpembe ntiana mufuku wa tisihu.” (Izaya 1:18) Tala ti tusobele mabanza, Yehova mbo katulemvokela. Bwe tusobela mabanza? Tufweti tomo nionga mpe tufweti bika mu yirika misamu mia mbi; mboko tufweti lomba kwe Yehova katulemvokela. Ha manima, tufweti sarila ngolo mu soba mabanza na nsalulu zeto za mbi, mpe tufweti landa miteno miandi mia ndiatulu.—Tanga Izaya 55:6, 7.
2. Bwe Yehova kasarilaka bakuluntu mu tu bakisa bu tusaka disumu?
Tala ti tusiri disumu dia dinene, Yehova tu têlele ‘tatikisa bakuluntu ba timvuka.’ (Tanga Zaki 5:14, 15.) Bakuluntu bô Yehova bazoloko na bô bamusarilaka. Bazebi bwe batubakisila ngatu takarisa tindiku tia mbote na Yehova.—Bisi-Ngalate 6:1.
Bwe bakuluntu batubakisilaka bu tuyirikaka disumu dia dinene? Bakuluntu bole peleko batatu mbo batusungika mu nzila ya malongi ma Bibila. Mbo batuhana malongi ma tulendi sarila, na lutindusu mu tu bakisa mu lembo vutu bwa mu disumu. Bawu balendi tu lomba mu lembo vutu saka bima biakaka mu timvuka ntangu fioti, tii bu tuvutu bâ na timpeve tia mbote. Mu kengerela timvuka mu misamu mia mbi, bakuluntu bantu bayirikaka masumu ma manene mpe balembo sobaka mabanza bakatulaka mu timvuka.
YIKA NDILU
Kurisa tifu tiaku tia tondaka mu mpila Yehova yi katubakisilaka tala ti tusiri disumu dia dinene.
3. Fungula masumu mbo kutubakisaka mu bâ ndiku ya Yehova
Masumu mamansoni Yehova mafwemesaka, buna tufweti ma mu fungurila. Tangeno Mikunga 32:1-5, mpe zonzeleno tiyuvu eti:
-
Mu bungu dia nti bwe bubote mu fungulaka masumu meto kwe Yehova, kani tasweka mo?
Bu tumana fungulaka masumu meto kwe Yehova, lutindusu tubakaka bu tudingaka lubakusu lwa bakuluntu. Taleno VIDEO, mpe zonzeleno tiyuvu tita landa.
-
Mu video, bwe bakuluntu babakisila Canon mu kâla kwe Yehova?
Tufweti zibula mutima mpe tufweti bâ na bunsungu kwe bakuluntu; bazololo batubakisa. Tangeno Zaki 5:16, mpe zonzeleno tiyuvu eti:
-
Bwe bunsungu bweto kwe bakuluntu bubabakisila mu tomo tu bakisa?
Fungula masumu maku, bâ na bunsungu kwe bakuluntu, mpe tambula lubakusu lwa luzolo lwa Yehova
4. Bwe katula muntu mu timvuka kubakisilaka
Tala ti muntu wuyirikiri disumu dia dinene wukariri mu landa mitieno mia ndiatulu mia Yehova, ka wufweti’â wavutu bâ mu timvuka ko. Mu timvuka bamukatulaka mpe ka vutu’â bâka tintwari na beto ko, ka tuvu’â mpe mu zonzesaka ko. Tangeno 1 Bisi-Korente 5:6, 11 na 2 Za 9-11, mpe zonzeleno tiyuvu eti:
-
Ntiana levire yinakisaka pate ya dimpa, bwe tintwari na nkwa masumu tilendi bebesela timvuka?
Babingi bakatula mu timvuka bavutu kâla mu bungu ti nsembolo, ni bu sa ti mpasi yabâ, yabatuma mu vutu bâ na mabanza ma mbote. (Mikunga 141:5) Taleno VIDEO, mpe zonzeleno tiyuvu tita landa.
-
Mu drame yo, Sonja bu bamukatula mu timvuka, bwe wamubakisila?
Bu bakatulaka muntu mu timvuka, mu bungu dia nti [. . .]
-
wukembesaka nkumbu ya Yehova?
-
wusongelaka ti bunsungu na luzolo lwe nandi?
5. Yehova beto kalemvokelaka bu tusobaka mabanza
Yezu wasarila tifwani titubakisaka mu bakula mabanza ma Yehova, muntu bu wusobaka mabanza. Tangeno Like 15:1-7, mpe zonzeleno tiyuvu eti:
-
Ngano nti wuta tu longesa mu Yehova?
Tangeno Ezekiele 33:11, mpe zonzeleno tiyuvu eti:
-
Nti tufweti sa bia mfunu mu songela ti tutomono nionga?
Ntiana muvungi, Yehova bimeme biandi katomo kipaka
TALA TI BAKUTÊLELE: “Bunkuta bwe nani bwa zonzela disumu diani kwe bakuluntu, ntia bakunkatula mu timvuka.”
-
Bwe lendi tâ kwe muntu we na mabanza ma mpila yo?
MU BUKUFI
Tala ti tuyirikiri disumu dia dinene kâ tutomono nionga, mpe tubongele nzengolo ya bika mu yirika misamu mia mbi, Yehova mbo katulemvokela.
Biyuvu bia mbambukulu
-
Mu bungu dia nti bwe bubote mu fungulaka masumu meto kwe Yehova?
-
Nti tufweti sa ngatu Yehova kalemvokela masumu meto?
-
Tala ti tuyirikiri disumu dia dinene, mu bungu dia nti tufweti dinga lubakusu lwa bakuluntu?
ZABA BIAKAKA
Tala bwe bakala dimosi diamwina mulemvo wa Yehova wu bazonzele mu Izaya 1:18.
Bwe katula muntu mu timvuka kunatinaka ndandu kwe muna muntu?
Longoka bwe lendi zonzela katula kwa muntu mu timvuka kwe muntu wulembolo Mbangi ya Yehova.
“Ngano Mbangi za Yehova bantu bakatuka mu timvuka bayinaka?” (Mutu-diambu wa mu Internet)
Mu tinsamu tia “Nzololo nakâla kwe Yehova,” longoka mu bungu dia nti bakala dimosi diahengama mu matieleka diabanza ti Yehova wamukârisa.
“Bibila luzingu disobesaka” (Nzo ya Zangama ya Munkengi, 1er avril 2012)
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
