Nzàmbi wakubika batekolo ba mfumu kanda Abrahame mu kanda dia bantu mpe wabahana mulonga wa mishiku. Kanda diango wata dio nkumbu “Israeli” mpe wabahana tsiyeko tia tanina nsambululu ya matsieleka na zu diandi. (Mikunga 147:19, 20) Buna, bantu ba makanda mamansoni mbo baketi sakumunu mu ndila ya Israeli.​—Tanga Mbatukulu 22:18.

Nzàmbi wasola Baisraeli mu ba Mbangi zandi. Tsintsamu tiawu tia ntangu yantama tsitomo songila kantsia mambote bantu babakaka mbo batumamanaka mishiku mia Nzàmbi. (Lubambu 4:6) Buna, mu ndila ya Baisraeli, makanda makaka mbo maketi longoka mu zaba Nzàmbi ya tsieleka.​—Tanga Izaya 43:10, 12.

Ntangu mbo yiyokele, Israeli wayizi wômbesa bweso bwamuhana Nzàmbi, mpe ha mbuka ya kanda diango Yehova wayizi yingasa tsimvuka tsia Bakristo. (Matie 21:43; 23:37, 38) Mu ntangu ya beto Bakristo ba matsieleka babiarila mbuka ya Baisraeli mu sala salu tsia mbangi za Yehova.​—Tanga Bisalu 15:14, 17.

Yezu wakubika milongoki miandi mu samuna mpe mu tsitula bantu milongoki mu makanda mamansoni. (Matie 10:7, 11; 24:14; 28:19, 20) Tsisalu tiango ngula kumvuna tsitakumvuna mu ntangu yi, mu nsukunu ya misamu mia ntangu yi. Tuka mu tuka, yantete ni mu mbandu yawuyi Yehova kizikutakasa zimiliyo za bantu ba makanda mamansoni mu nsambululu ya matsieleka. (Nzabukusu 7:9, 10) Bakristo bango ba tsieleka mu tsimvuka tsimoshi bakubamane mu tsitsindisa na mu salasana bawu na bawu. Mu nza yam’kaka, manaka ma ndongokolo Bibila ni mamoshi kwa balandaka ku tukutakanu twawu.​—Tanga Bahebre 10:24, 25.

Mu mvula za 1870, mwa tsimvuka tsimoshi tsia milongoki mia Bibila tsiayizi vutu vundumuna matsieleka ma Bibila mo mazimbakana tuka ntama. Bayizi zaba ti Yezu wakubika tsimvuka tsia Bakristo ngatsi basamuna, ekabo bawu mpe ni mbobabatsika mu samuna Kimfumu mu nza ya’mkaka. Mu mvula 1931, bayiza bonga nkumbu ya Mbangi za Yehova.​—Tanga Bisalu 1:8; 2:1, 4; 5:42.

Mu tsikeke tsiantete bimvuka bia Bakristo bieri mu ntsi zazingi lutwalusu beri bakaka lwa Tsimvuka Tsitatwarisa tsieri kwikilaka ti Yezu we Mfumu tsimvuka. (Bisalu 16:4, 5) Mpila ni yimoshi mpe mu ntangu yi, Mbangi za Yehova mu nza yam’kaka lusalusu lwa Tsimvuka tsitatwarisa babakaka. Ni tsimvuka tsiango tsidiatisaka salu tsia biro za filiale zô zibangulaka mikanda mu mazu makaka, zidukisaka mio mu papela, zikabaka mikanda na bima biakaka bia longokela Bibila mu mazu 700 make. Ntsiangu Tsimvuka Tsitatwarisa tsilendaka mu hana ntsindusulu na lutwalusu lutukiri mu Bibila kwe bimvuka 100000 bike mu nza yam’kaka. Mu tsimvuka tsimoshi tsimoshi babakala balungisa ndombolo belebe mô banataka tsiyeko tsia bakuluntu peleko tsia minkengi. Babakala bango mameme ma Nzàmbi mu luzolo bakipilaka mo.​—Tanga 1 Piere 5:2, 3.

Mbangi za Yehova bakubamane mu samuna, mu tsitula bantu milongoki. Ntsiana bantumwa, beto mpe mu nzo na nzo tukwelongeke. (Bisalu 20:20) Mbo tulombaka mpe kwe bantu bô bazololo matsieleka mu longoka Bibila. Kâ Mbangi za Yehova kabena kwa nkubukulu ko. Kanda dimoshi twena die na tata dituzololo. Bankazi na bibushi twena babandilaka bampwanawu. (2 Bisi-Tesalonike 1:3) Mbangi za Yehova mbo bakubamane mu yangirika Yehova mpe mu salasana, kanda diawu diena kanda tsiyokele nsayi ha m’toto wam’kaka.​—Tanga Mikunga 33:12; Bisalu 20:35.