Dinga mu mikanda mia mbote. Zonzela mabanza ma Zu dia Nzambi, mpe tangila mo buna bu mena. Tala ti zololo wazonzela misamu mia sianse, nsangu, binsamu, peleko misamu miakaka, toko tizabila tala ti mia matieleka miena mpe mia môna miena.

Sarila bubote mabanza ma bakiri. Bangula verse tintwari na misamu mi zungiriri yo, nsangu za nguri za Bibila, na mikanda mia “ngamba ya kwikama na ya ndwenga.” (Mat. 24:45) Bu sarilaka nsangu zilembo tûkaka mu Bibila, zifweti kwelana na mbangululu’andi ya ntete, na mabanza ma titsoniki.

Yindula na bantu bata ku wâ. Tala ti tengi verse peleko mabanza ma mukanda wakaka, yula biyuvu bifwanane peleko hana tifwani mu bakisa bantu bata ku wâ mu dukisa malongi mafwanane.