BATIKA TIMOKO
TIMOKO 5
Sarila buzitu
Mutieno: “Bika nzonzolo’eno yabâka ya toma ntangu zazansoni.”—Kol. 4:6.
Paulo nti kasa
1. Tala VIDEO, peleko tanga Bisalu 17:22, 23. Ha manima taluzula biyuvu bita landa:
-
Paulo bwe keri mwinaka nsalulu za mabundu ma bungungu zi kamona ku Atene?—Tala Bis. 17:16.
-
Kani kabafundisa, bwe Paulo kasongela buzitu bu kasarila nkwikulu zawu mu ba samunina nsangu za mbote?
Ngano nti tuta longoka mu Paulo?
2. Bantu mbo batomo tu wirikila tala ti tutomono sola misamu mi tutâ, mpila yi tutêla mio na ntangu yi tubatêla mio.
Landa tifwani tia Paulo
3. Sola nzonzolo ya toma. Mu tifwani, bu zonzaka na bantu balembo kwikilaka mu Bibila peleko mu Yezu, wufwanane mu soba mpila yizonzelaka Bibila peleko Yezu.
4. Kubândi na manzangu ma sungika muntu. Bika muntu kazonzela mabanza mandi. Tala ti muntu wutêle mabanza mata lembo delakana na Bibila, kudingandi mu disikita na yandi. (Zaki 1:19) Bu mu wirikila, mbo zaba mabanza mandi.—Bin. 20:5.
5. Tala ti wufwanane tambula mpe sîka muntu wo. Muntu wulendi bâ na lukwikulu ti nkwikulu zandi za matieleka zena. Yêla mu toko zonzela misamu mi lutambulaka beno bole, mpe malembe-malembe mu bakisa mu bakula ndongosolo za Bibila.
