BETO bansoni, lukwikulu lwe neto ti Yehova twarisa katutwarisaka mpe bakisa katubakisaka ngatu tabâ penepene nandi mu ‘ntangu yi ya mansukina.’ (2 Tim. 3:1) Kâ, beto bansoni tufweti tumamana Yehova. Tulendi fwanakasa misamu mieto na mio mia bala ba Israele ku masese. Bafweti hanina mbila za mpungi mvutu.

Yehova walomba kwe Mose kayirika mpungi zole za arza yi batutiri mu marto “mu tumisa timvuka na mu katula camps” (Lut. 10:2) Nganga-Nzambi zafweti sika mpungi mu mpila za swaswana ngatu bantu bazaba ka nti bafweti sa. (Lut. 10:3-8) Lumbu ti, kanda dia Nzambi mbo dibakaka lutwalusu mu mpila zazingi. Mu timoko ti, mbo tuzonzela lutwalusu lu tubakaka mu mpila zitatu, mpe mbo tufwanakasa lo na mbila za mpungi za mu ntangu ya Israele ya ntama. Mpila zango za zitatu ni mu ntangu yi batutâka mbila ku tukutakanu twa tunene, bu batâka bakuluntu mbila mu bungu dia nkubukulu, na mu ntangu yi batomesaka peleko yi basobaka misamu mia bimvuka biabiansoni.

Yehova bu keri zoloko ti “timvuka tiatiansoni” tiakutakana ha mwelo wa este ya tabernakle, Banganga-Nzambi mbo beri sikaka mpungi. (Lut. 10:3) Makanda mamansoni meri bêlaka ha tizunga tia tabernakle meri ma kabana mu bikunku biyà, mbo meri wâka mbila yo. Bô beri bêlaka penepene na mwelo wo, ka beri’â zingilaka ko mu tula. Kâ bakaka mala beri bêlaka mpe wafwanakana kampe basarila ngolo zazingi mu tula. Ni bu sa ti bakaka penepene beri, mpe bakaka mala beri, Yehova weri bâka nandi babansoni bakutakana mpe bawâ ntumunu zandi.

Lumbu ti, ka twena na nsatu ya kutakana ku tabernakle ko, kâ mbila ba tutêle ku tukutakanu twa kanda dia Nzambi. Tukutakanu to tutariri lukutakanu lwa bilumbu bitatu na tukutakanu twa tunene twakaka, ku tubakilaka nsangu za mfunu na lutwalusu. Mu nza ya mukaka, kanda dia Yehova programe yimosi kwa balandaka. Ntiangu, bô batambulaka mbila mu tukutakanu to, mu kanda dia nsayi bena. Bakaka bitini bia bila badiataka yôka bantu bakaka. Kâ, bô babansoni batambulaka mbila yo bazebi ti wufwanakane basila bo.

Bwe tulendi tâ mu bô babâka mala na mbuka za tukutakanu twa tunene? Mu nzila ya teknolozi, babingi balendi baka ndandu mu programe yo, mpe balendi mona nsayi ya tukutakanu to twa tunene. Mu tifwani, mu ntangu ya yiza timonikisi tia siège mondial, Betele ya Bénin yayôkesa programe ku Arlit, hata di batimaka bivmwama bia ku nsi’a mutoto. Bantu 21 bayizi kutakana mpe balanda programe yo; mu lutangu lo mweri Mbangi za Yehova na bantu bakaka. Ni bu sa ti mala beri, bayizi mona ti tintwari beri na timvuka tia tinene tia bantu 44 131. Mpangi yimosi ya yibakala  watsoneka ti: “Matondo, matondo mamingi bu luyôkese programe yo. Musamu wo wuvutulu tu songela ti beto lutomono zolo.”

Mu ntangu Nganga-Nzambi za ku Israele zeri sikaka mpungi, “bamfumu kwa, bamfumu ba mafunda ma bantu,” beri kwizaka ku nzo ya lukutakanu. (Lut. 10:4) Bweso bwa bâ nawu bwa baka nsangu na nkubukulu kwe Mose. Mbo yaketi ba bakisa mu madema mawu mu kati dia makanda mawu. Tala ti nge mpe wumosi wa bamfumu bo weri, ngano ka waketi’â sa ngolo zazansoni ko mu bâ hâna ngatu wabaka ndandu ya lukutakanu lo?

Lumbu ti, bakuluntu bê mu timvuka ka bena “bamfumu” ko. Mpe ka batumaka twila dia Nzambi di bafweti kengerela mu ngolo ko. (1 Pi. 5:1-3) Kâ mbo basaka miamiansoni mi balendaka mu twarisa twila dia Nzambi. Ntiangu, bu babatâka mbila ngatu babakubika, mbo batambulaka na tumama kwakwansoni; ntiana mbila ya ku Lukolo lwa tisalu tia Timfumu (École du ministère du Royaume). Ku lukolo lo, bakuluntu mbo balongokaka bwe balendi tomo kipila timvuka peleko misamu mia timvuka. Mu nzila ya lukolo lo, bakuluntu na bantu ba bakipaka mu timvuka balendi kwizi tomo bâ penepene na Yehova. Ni bu sa ti ka weka’eti sa lukolo lo ko, lendi lwa bakila ndandu mu nzila ya bô bayizi lwa sa bu basarilaka misamu mi bayizi longoka.

Ntangu zakaka Nganga-Nzambi za ku Israele mbo zeri sikaka mpungi mu ngolo. Zu dia mpungi mbo dieri songelaka ti Yehova wazolo ti timvuka tiatiansoni tia katuka. (Lut. 10:5, 6) Kanda bu dieri katukaka, mu bunkente dieri katukilaka, kâ wafwanakana mu na muntu kasarila ngolo zazingi. Ntangu zakaka bala ba Israele mbo beri tînaka mu soba mbuka. Mu bungu dia nti?

Kampe bantu bakaka mbo beri banzaka ti mbila mwizu kwingi zeri kwizaka mpe mu mpila yi beri lembo kêlaka. “Ntangu zakaka tuti mbo dieri bâka kwa mu nkokela na tii mu pari.” Kâ ntangu zakaka “mbo dieri bâka bilumbu biole, ngonda yimosi, peleko ntangu zazingi” bu beri sobaka mbuka. (Lut. 9:21, 22) Mpe mbala zikwa timvuka tiayizi soba mbuka? Lutangu tikapu 33 mbo tizonzelaka mbuka 40 zayizi bêla bala ba Israele.

Ntangu zakaka bala ba Israele mbo beri bêlaka ha mbuka yeri na mpewo. Kampe mbo beri bâka na nsayi ya bêla ha mbuka yeri na mpewo ku ‘masese ma manene mpe meri tâka bunkuta.’ (Lut. 1:19) Buna, mbo beri banzaka ti bu bamana katuka mbuka yo, ni ku mbuka yiyôkele mpasi beri kwendaka.

Makanda bu meri batikaka mu soba mbuka, bantu bakaka mbo beri wa monaka musamu wa mpasi mu kêla ntangu’awu ya katuka. Bantu babansoni mbo beri wâka lwaza lwa mpungi, kâ babansoni ka baketi’â katuka mu ntangu yo ko. Lwaza lo lwa mpungi, mbo lweri têlaka makanda meri bêlaka ku este ntiana, kanda dia Yuda, dia Izakare, na dia Zebulone ti malendi katuka. (Lut. 2:3-7; 10:5, 6) Ha manima, makanda mo bu meri mana katukaka, Banganga-Nzambi mbo beri vutu sikaka mpungi mu têla makanda ma matatu meri bêlaka ku side. Banganga-Nzambi mbo beri tatamanaka mu sarila bo tii makanda mamansoni bu maketi katuka.

Kampe musamu wa mpasi weri kwe nge mu tambula nsobolo zakaka zi saka organizasio. Kampe mbo weri monaka ti nsobolo zango zazingi zabulumuka. Peleko mbo weri monaka ti mpila ya sarila yeri kô yeri ku tâka nsayi mpe mbo weri zoloko ka basobandi yo. Ni wubâ musamu wakaka, kampe luvivululu lwaku lwayizi tonto, mpe ntangu yakufwanana mu yukunu na nsobolo zango. Kâ mu miamiansoni, tala ti tusariri ngolo mu bungu ti tuzebi tufweti sala tintwari na nsobolo zo, kampe mbo tukwizi mona ti Nzambi sakumuna kata tu sakumuna.

Mu bilumbu bia Mose, Yehova watwarisa milio za babakala, bakento na bala ku masese. Tala ti ka beri’â na lutwalusu lwandi ko, ka baketi’â vuka ko. Lumbu ti, Yehova twarisa kata tu twarisa mu bilumbu bi bia mansukina bie mpasi. Yehova mbo kata tu bakisa mu bâ ba kangama kwe Yandi mpe mu simbirila timinu tieto ngolo! Buna, wufwanakane tasarila ngolo zeto zazansoni mu tumama ntiana bala ba Israele ba kwikama beri karisilaka mvutu mu mbila za swaswana za mpungi!