Ntangu yabâ kô Nzambi yi kabika babakala babâ na bakento babingi. (Mbatukulu 4:19; 16:1-4; 29:18-29) Kâ ka Nzambi’ako wabatika poligami (makwela na bantu babingi). Mukento wumosi kwa kahana kwe Adame.

 Nzambi watambula ti Yezu kakârisa musiku’andi wa ntete wutariri makwela. (Za 8:28) Bu bamuyula tiyuvu titariri makwela, Yezu watâ ti: ‘Tûka ha mbatukutulu, Nzambi wabayirika mukento na bakala. Yandi wavutu tâ ti: “Ni mu bungu dio, bakala mbo kasisa tata’andi na nguri’andi, mpe mbo [kanamatana] mukento’andi ngatu ba bole babâ kwa nitu yimosi.” Dieka bo, ka basiri’â bole ko, kâ beka kwa nitu yimosi. Bia vukasa Nzambi, muntu ka hambasandi.”’​—Matie 19:4, 5.

 Ha manima Nzambi watuma mulongoki wumosi wa Yezu katsoneka ti: ‘Muna bakala kabâ na mukento’andi, mboko muna mukento kabâ na bakala diandi.’ (1 Bisi-Korente 7:2) Bibila mpe ditêle ti mu kati dia timvuka, Bakristo babansoni ba kwela na bê na madema bafweti bâ “bakala dia mukento wumosi.”​—1 Timote 3:2, 12.