Mvangi’eto wahana misiku mitariri makwela ntangu zazingi ntete guvernema zabatika mu hana misiku mu bungu dia musamu wo. Mukanda wa ntete wa Bibila mbo wutâka ti: “Bakala mbo kasisa tata’andi na nguri’andi mpe mbo kakwe bâ na mukento’andi, mpe ba bole mbo babâ musunia wumosi.” (Mbatukulu 2:24) Buku dimosi (Vine’s Expository Dictionary of Biblical Words) ditâka ti ntêlo ya Hebre yi babangula mu “mukento,” mbo yizolo tâka “muntu wa wukento.” Yezu wasingasa mabanza mo bu katâ ti “muntu wa wukento na muntu wa bakala” kwa bafweti kwelana.​—Matie 19:4.

 Buna mu mabanza ma Nzambi makwela mafweti zingila mankululu mpe mafweti sa tindiku tia ngolo ha kati dia mukento na bakala. Mukento na bakala mbo badelakanaka mpe mbo basalasanaka ngatu balungisa nsatu’awu ya luzolo, ya vukasa nitu na ya buta bala.