BATISO Batiso si ba ná nrŭ dho le si anziro kʉ ná kiti bbʉ. Batiso si ba ná nrŭ si di fø ngana nzá le d’e batiso dhi hotuba tso nga zanji dyi na bbʉtso nari njí. Kila mutu dho ringani ndi si batiso ndi si ba na ná ru na.

BBɄDHA Nja i asamble da bblo d’e, rikoe mbø bí nja le thɨ i asamble le nji nanga ma, le ba njonjo kʉ ná video ma, sonorizasio ma ndirigoti bí kʉ ná nja njí ma na ndirigoti ri liri ko kana ngae chøchø Yova na. Jidha na ni bbʉ ná bbʉdha ka ndi kó fø njí tsotso ndirigoti ngø djolú gble njini ná njí maddi. Rie ngba ni jiri ni bbʉ bbʉdha ró, aliri i asamble dhi ngana kʉ ná sanduku na. Ni ka ni bbʉ nidhó bbʉdha kodhó site donate.dan124.com chulú maddi, donate le ndi na ngana. Krʉ ni ka ni bbʉ ná bbʉdha kʉ mana na bbo. Baraza Linaloongoza adi mbai po bbo ni adi bbʉ Pidhinga dhi njí tsotso kodha dho hwè na ná bbʉdha dho.

DZAMU B’O NÁ KPA Dzamu b’o ná kpa si ni tsotso ko. Anitilo kpa na bblo, parkinge ma, didha dhi nga ma, nrŭ ka ndima njuni nanga ma ndirigoti nja kʉ ná njonjo kʉ nalo djo ma kpa po nalo ni dyø nari na.

LE DI NANGA Kirikiri addinga nja nrŭ djo. Anonga nari kʉ ni ka ni li didha dhi nga ro nidhó famiye na nrŭ dho ma, ddikpa motokari na ni si na ná nrŭ dho ma, inga Biblia na longa ni adi ddi dho ná nrŭ dho maddi. Nzɨ li ritsi nzá tso ni cho na kiti djo.

SEKUR YA KWANZA Achuri føri kʉ le tsotso le kó nari dhé.

VIVI NDIRIGOTI BA BANI NÁ RITSI Krʉ le ba Asamble dhi ngana ná ritsi riji le mba vivi ná ritsi dhi departema na njí nji ná kpa dho na. Njati nidhó ddikpa ritsi ro vi ró, ara rine fø departema na. Vi vi ná nzø goti maddi riji le mba fø departema na njí nji ná kpa dhi nga na. Nja nzɨ nidhi nzø vi ro anib’o kpa ronga bblo ndirigoti anidi kpa na ddikpa ngana.

VOLOTERE DHO NJĺ Njati ni ji ni nji njí i asamble nǎ ró, ad’rari volotere djo nganja ná departema nǎ kpa dho.

Masomo ya Waeneza Enjili wa Ufalme Cho 23 djoro kpø 65 djo dho cho kʉ ná ngba ji ndima ra ndima dho lod’radha dhi njí na anzi ná mapainia le nzi ndima si Masomo ya Waeneza Enjili wa Ufalme na ji ndima ra ná kpa dho njudha na yenga dyi saa sita goti. Ri le si nji nanga ma, ndirigoti ri le si nji ná saa ma le si d’rad’ra nrŭ dho.