LO TSO LE NGA NARI
Mdo. 26:2, 3
SOMO 4
Nyenyenga na le kʉ nari
Kanuni: “Nyenyenga na, adi nja ndrŭ nja pli ni djolu.”—Flp. 2:3.
Paulo njingʉe ná lo
1. Anja VIDEO, inga Azø Matendo 26:2, 3. Føri goti addinga i ngadhudha djo:
-
Paulo ká dhongʉe ndi kʉ nyenyenga na nari ngbaribbai Pi Agripa na ndi ngʉ loti nari kana?
-
Paulo ká drrngʉe kedhó nganjadha Yova djo ndirigoti Maandiko djo, ndi djo ndi drr é ri nari rɨngana ngbaribbai?—Anja Matendo 26:22.
Ko ká ba ngbá somo Paulo dhó lo nǎ ro?
2. Ko d’ra ndrŭ dho ná lo adi ndrŭ nyǒ tho bbo njati ko di ri d’ra nyenyenga na ndirigoti heshima na ró.
Adyø Paulo
3. Adi loti heshima na. Nzɨ di ni dhǒ krʉ chu lo nari bbai ndirigoti ni di nja ndrŭ i nja nzá chu lo nari bbai.
4. Adhori wazi nari kʉ ni ddi ná lo si Biblia nǎ ro. Mungu dzá lo ndingʉeni ndi lø ndrŭ thí ronga d’e. Ko di njínji ri na ró ko adi kpadhó udha li kpakpa bbʉbbʉlo djo.
5. Adi djøni djø. Nzɨ di ridho ni gʉ dhé kʉ haki dhi ke. Ko nzɨ adi riji ko di gʉni gʉ ri. Adho ni kʉ nyenyenga na nari ko ni jotso ko nari chulu ndirigoti aneri ni chu rá ni ka ni rá na saa. (Mez. 17:14; Tit 3:2) Ni tilo djø ni djøni ro ró føri ka ndi liri luti ndrŭ si nidhó lo rrrr.
GODHÉ ANJA
Ro. 12:16-18; 1 Ko. 8:1; 2 Ko. 3:5
