SOMO 03
Biblia po nalo ká ni ka ni u bbʉbbʉ?
Biblia tsoni bí kʉ nalo djo ndirigoti ri nǎ shauri ma kʉ bbo ddi. Njaro ni ji ni chu Biblia po nalo, ro njaro ni nanga adi rɨnirɨ. Ni ká ka ni u drdr kʉ ná fø buku nǎ tsodha ndirigoti ri nǎ shauri u? Biblia ripo le ka lenji maisha hwè njʉ ndirigoti gosi ná saa na nari ká ni ka ni uu? Bí kʉ ná ndrŭ adi følo uu. Ko nziri ni neri ni chu fø lo.
1. Biblia nǎ kʉ ná historia káe bbʉbbʉ?
Biblia ripo ndi nǎ kʉ nalo kʉ “d’ʉ ndirigoti bbʉbbʉ.” (Muhubiri 12:10) Ri tilo ndrŭ djo njingʉeni nalo djo. (Azø Luka 1:3; 3:1, 2.) Historia ndi ná kpa ma, drdr njingʉeni nalo nanga adi ne ná kpa ma na ra ri utso d’i nari kʉ Biblia kʉ d’ʉ. Lorojina kpa ra ri ba nari kʉ Biblia tilo djo ná tarehe ma, ndrŭ ma, drdr kʉ nalo njingʉeni ná nga ma, njinjingʉeni nalo ma na krʉ kʉ d’ʉ.
2. Ká addudho ko ka ko pori Biblia kʉ faida na njʉ ni mai ri kʉ drdr buku ro?
Bí ina Biblia adi loti nzá ndrŭ chungʉe ri le ngʉ ndi ná saa na nalo djo. Lorojina, ri adi loti darasa nǎ lo djo. Nja saa na ripo nalo e nzá ndrŭ ungʉe anziro nalo. Ni mai ri kʉ føro, i ddoro darasa nǎ le adi ddi nalo ridho Biblia po nalo kʉ d’ʉ. Ri “ronga ro nzá ka ndi já theinga dho ri.”—Zaburi 111:8.
3. Ko ká ka ko u gosi ná ddo djo Biblia po nalo addudho?
Biblia nǎ kʉ ná unabi adi loti a “nzá d’engʉe njini nalo” djo. (Isaya 46:10) Ri adi loti gosi njini nalo djo ri si njini nari nji. Ro ri adi fø lo d’ra d’ʉ. I ddoro njini dz’ djó nalo djo ri tingʉe lo drdr b’lo. I somo nǎ kosi loti Biblia nǎ unabi ro djo. Ri kʉ d’ʉ nari kʉ ke dho le nanga ka ndi keni naribbai!
ANE LONANGA BBO
Anja ngbaribbai ma darasa nǎ lo tso nju Biblia nǎ lo na nari, ndirigoti anji utafiti Biblia nǎ nja unabi djo.
4. Darasa nǎ lo tso nju Biblia nǎ lo na
Drdr, ndrŭ ungʉeri nari kʉ dz’ tøni ddikpa ritsi djó. Aninja VIDEO.
Anja Yobu dzá buku nǎ le ndingʉe nalo, føri goti cho da 3 500 b’lo. Azø Yobu 26:7, ndirigoti anitilo i ngadhudha djo:
-
Le ripo dz’ ro “nzá tøni ddikpa ritsi djo” ri, føri ká ka ndi ke le nanga addudho?
Dji ká adi kó ngbaribbai ma nari utso ndrŭ d’ingʉe b’lo cho da 1800 nari goti. Anja Biblia pongʉe nalo nari goti cho da 3 500 b’lo. Azø Yobu 36:27, 28, ndirigoti anitilo i ngadhudha djo:
-
Ngbaribbai ma dji adi kó nari djo Biblia tilo nari ká ka ndi ke ko nanga addudho?
-
Ni zø ná maandiko ká li nidhó udha kpakpa bbʉbbʉ Biblia djo?
5. Biblia tingʉe lo bbo na mana kʉ nalo djo
Azø Isaya 44:27–45:2, ndirigoti anitilo i ngadhudha djo:
-
Cho 200 Babiloni sani nari nji ká Biblia d’rangʉe ngba lo?
Historia ridho nari kʉ Waajemi bbá Pi Koreshi ma tsungʉe Babiloni na ndidhó bbasødda ma na cho 539 na Y.G.N. b Kpa lengʉe fø bba ronga ngʉ b’o ná dda le. B’lo kpa tsu fø bbagʉ pʉlʉ dzaitso ma ro nari goti, kpa løngʉe fø bba ngadhi lɨ ro. Babiloni sani nari goti cho da 2 500 b’lo, njʉ ma ri kʉ fø dhé. Kpadjo anja Biblia d’rangʉe nalo.
Azø Isaya 13:19, 20, ndirigoti anitilo i ngadhudha djo:
-
Babiloni djo tilo ná unabi ká njingʉeni ngbaribbai?
Sasani ná Babiloni kʉ Irak nǎ njʉ
6. Biblia tingʉe lo njʉ ko nja nalo djo
Biblia ripo ko dho ko di “nga sini ná saa nǎ.” (2 Timotheo 3:1) Anja Biblia pongʉe nga sini ná ddo djo nalo.
Azø Matayo 24:6, 7, ndirigoti anitilo i ngadhudha djo:
-
Biblia ká tingʉe lo bbo na mana kʉ ná ngba lo djo nga sini ná saa na ndi ka ndi njieni ro?
Azø 2 Timotheo 3:1-5, ndirigoti anitilo i ngadhudha djo:
-
Biblia ká pongʉeri ndrŭ dhó nyi ka ndie ngbaribbai nga sini ná saa na?
-
Fø nyi kana ro ká ni d’i ngbari utso ndrŭ kana?
NJA NDRŬ ADI RIPO: “Biblia kʉ ka le ka ná ngi dhi buku.”
-
Addu ká rili ni uri nari kʉ Biblia po nalo kʉ bbʉbbʉ?
LO DZÁ DɄNGA
Historia ma, darasa nǎ lo ma, unabi ma na krʉ ridho nari kʉ ni ka ni u Biblia po nalo u.
Lo djolu le ngʉ nari
-
Biblia nǎ kʉ ná historia káe bbʉbbʉ?
-
Darasa nǎ lo tso ká nju Biblia nǎ lo na ngbaribbai?
-
Ni ká riddi Biblia tilo gosi ná saa na si njini nalo djo maddi? Ká addudho inga nzá addudho?
NI KA NI CHU NÁ NJA LO
Biblia nǎ lo tso ká nju darasa nǎ lo na nzá?
“Sayansi Inapatana na Biblia?” (Jw.org djó kʉ nalo)
Ko kʉ “nga sini ná saa” na nari dho nari ká kʉ ngba lo?
“Maunabii 6 ya Biblia Yenye Iko Inatimia Leo” (Munara wa Mulinzi, 1 Mwezi wa 5, 2011)
Anja ngbaribbai ma Biblia pongʉe Ugiriki nǎ pidhinga djo ná unabi njingʉeni nari.
Anja ngbaribbai ma Biblia nǎ unabi lengʉe ddikpa ke dhó nganjadha thika Biblia djo nari.
“Kwangu Mimi, Hakukuwa Mungu” (Munara wa Mulinzi Na. 5 2017)
