SOMO 18
Bbʉbbʉ Wakristo ù tso ká le ka le d’i ngbaribbai
Bí kʉ ná ndrŭ adi ndima nzi Wakristo, ro kpa krʉ dhó udha nga è ddikpa ri, ndirigoti kpa nzɨ adi njínji ddikpa yadha na ri. Nde ko ká ka ko d’i bbʉbbʉ Wakristo ù tso ngbaribbai?
1. Mukristo le adi nzi nari ká kʉ ie?
Wakristo kʉ Yesu unakpa inga ke dyø ná kpa. (Azø Matendo 11:26.) Kpa ká adi ndima kʉ Yesu unakpa nari dhǒ ngbaribbai? Ke pongʉeri: “Njati ni di madzá lo kana ró, ni kʉ ma unakpa.” (Yohana 8:31) Føri na mana kʉ, Wakristo dho ringani ndima rrnga Yesu dhó mafundisho dho. Ddiddi Yesu ngʉ njínji maandiko na ndidhó longaddidha kana nari bbai, bbʉbbʉ Wakristo maddi adi rinji fø.—Azø Luka 24:27.
2. Bbʉbbʉ Wakristo ká adi jidha dhǒ ngbaribbai?
Yesu pongʉeri ndi unakpa dho: “Anijini ji ni kana ddiddi ma jirie ni nari bbai.” (Yohana 15:12) Yesu jingʉe ndi unakpa ji nari ká ke dhongʉe ngbaribbai? Ke ngʉ adi saa ba ndima di kpa ma na d’e, ke ngʉ adi kpa li kpakpa, ndirigoti ke ngʉ adi kpa tsotso kó ko. Ke bbʉngʉe ndidzá shinga maddi kpa djotsina. (1 Yohana 3:16) Føri bbai bbʉbbʉ Wakristo nzɨ adi lo dhé ti jidha djo ri. Ro kpa jini ji ndima kana nari kpa adi dhǒ ndima tso nǎ lo ró ndirigoti ndima dhó njí ró.
3. Bbʉbbʉ Wakristo ká adi ngbá njínji?
Yesu bbʉngʉe njí ndi unakpa dho na. “Ke chongʉe kpa ndima rá Mungu dhó Pidhinga dzá hwè lo-i d’ra.” (Luka 9:2) Drrdrr Wakristo ma ngʉ lod’ra ddi, kpa nzɨ ngʉ lod’ra Mungu le má ná nga nǎ dhé ri, ro kpa ngʉ adi lod’ra bí ndrŭ kʉ ná ngalu ma, ndrŭ bba lu maddi. (Azø Matendo 5:42; 17:17.) Føri bbai bbʉbbʉ Wakristo adi lod’ra ndrŭ dho krʉ ndrŭ bani ná ngalu. Kpa adi jidha dhǒ nja ndrŭ dho, føri dho kpa e hwè na ndima ba saa ndirigoti ndima bbʉ ndima dhó kpakpanga ndiro ndima d’ra Biblia nǎ le isopɨdha ndirigoti ngab’odha dhi lo ndrŭ dho d’e.—Marko 12:31.
ANE LONANGA BBO
Aneri ni chu bbʉbbʉ Wakristo ma kana njonjonga dhǒ ná lo nzɨ njínji Yesu dhó mafundisho na ndirigoti kedhó loroji na ná ndrŭ na.
4. Kpa adi kpakpanga nji ndima famu Biblia nǎ bbʉbbʉlo
Drrdrr ngʉe ná Wakristo njangʉe Mungu dzá lo mana na bbo
Ri nga kʉ Wakristo ndima nzi ná ndrŭ krʉ i adi njínji Biblia nǎ bbʉbbʉlo na ri. Aninja VIDEO, ndirigoti anitilo i ngadhudha djo.
-
Wakristo ndima nzi ná dini ká chongʉe ndrŭ ronga tso ngbaribbai Yesu dhó mafundisho ró?
Yesu ngʉ adi bbʉbbʉlo ddi ndrŭ dho Biblia nǎ ro. Azø Yohana 18:37, ndirigoti anitilo i ngadhudha djo:
-
Yesu pori nari bbai, “bbʉbbʉlo lai djó” kʉ ná Wakristo ù tso ká ko ka ko d’i ngbaribbai?
5. Kpa adi Biblia nǎ bbʉbbʉlo d’ra
Drrdrr ngʉe ná Wakristo kpa ngʉ adi rid’ra nja ndrŭ dho
Ra na Yesu dji nari njí, ke bbʉngʉe ndi unakpa njí ná njí adi ra anzi kpø njʉnga djo. Azø Matayo 28:19, 20 ndirigoti Matendo 1:8, ndirigoti anitilo i ngadhudha djo:
-
Kpa ká ka ndima d’rae lo kpø ngbá ngatsi?
6. Kpa adi njínji ndima d’ra ná lo na
Addui ká lingʉeri Tom uri nari kʉ ndi ba bbʉbbʉ dini? Aninja VIDEO, ndirigoti anitilo i ngadhudha djo.
-
Video nǎ ni njari nari bbai, addui ká lingʉeri Tom njeni nje dini nǎ lo dho?
-
Addui ká lingʉeri ke uri nari kʉ ndi ba bbʉbbʉlo?
Nji le nji ná lo kʉ mana na pli, lo le ti nari djolu. Azø Matayo 7:21, ndirigoti anitilo i ngadhudha djo:
-
Bbo na mana kʉ Yesu dhò nari ká kʉ, ko ripo ko kʉ udha na inga ko ridho ko kʉ udha na nji ko nji ná lo chulu nari?
7. Kpa jirieni ji ndima kana
Drrdrr ngʉe ná Wakristo kpa jingʉeni ji ndima kana
Wakristo ká adi ndima dhó shinga li hatari na bbʉbbʉ ndima lai Wakristo djotsina? Aninja VIDEO, ndirigoti anitilo i ngadhudha djo.
-
Video nǎ ni njari nari bbai, addui ká lieri Lloyd li ndidhó shinga hatari na le-djo Johansson djotsina?
-
Ni ká riddi ke nji ná føri kʉ bbʉbbʉ Mukristo ka ndi njí ná lo?
Azø Yohana 13:34, 35, ndirigoti anitilo i ngadhudha djo:
-
Yesu unakpa (bbʉbbʉ Wakristo) ká adi njini ngbaribbai ndima lai d’i bbu nǎ ndrŭ inga d’i rangi dhi ndrŭ na?
-
Kpa ká ka ndima njí fø lo ngbaribbai vita dhi saa na?
NJA NDRŬ ADI RIPO: “Wakristo njirie che kʉ ná lo bbo b’lo, nde kpadhó dini ká ka ndi é bbʉbbʉ ngbaribbai?”
-
Ni ká ka ni njínji ngbá andiko na ndiri na ni dhǒ ngbaribbai ma ko ka ko d’i bbʉbbʉ Wakristo ù tso nari d’e?
LO DZÁ DɄNGA
Bbʉbbʉ Wakristo adi njínji Biblia nǎ mafundisho na, kpa adi bbʉbbʉ jidha dhǒ ndirigoti Biblia nǎ bbʉbbʉlo d’ra ndrŭ dho.
Lo djolu le ngʉ nari
-
Bbʉbbʉ Wakristo dhó udha ká dyʉrie ndi ngbá lo ró?
-
Bbʉbbʉ Wakristo ù tso ká le ka le d’i ngbá sifa ró?
-
Bbʉbbʉ Wakristo ká adi ngbá njínji?
NI KA NI CHU NÁ NJA LO
Aneri ni chulo bbo Yesu dhó loroji ma, kedhó mafundisho ma na dyø ná kpa djo.
Anja addu ma kongʉe drrdrr ngʉe máma dini nǎ ná ddikpa le tsotso ndiro le ba “kiroho nǎ bbʉbbʉ kʉ ná familia d’e nari.”
“Walitumia Biblia ili Kujibu Kila Ulizo!” (Munara wa Mulinzi, 1 Mwezi wa 4, 2014)
Aneri ni chu ngbaribbai ma bbʉbbʉ Wakristo adi jidha dho mahitaji na kʉ ná ndima lai Wakristo dho nari.
Ko djoi tsotso ko kó musiba banga ná saa na nari—Ri dzá sehemu (3:57)
Aneri ni chu ngbaribbai ma Yesu dyø ná bbʉbbʉ Wakristo adi lo nji ddiddi karne ya kwanza na ngʉe ná Wakristo bbai nari.
“Ni Sifa Gani Njo Zinatambulisha Wakristo wa Kweli?” (Munara wa Mulinzi, 1 Mwezi wa 3, 2012)
