SOMO 3
Ngadhudha na le njínji nari
Matayo 16:13-16
LO DZÁ DɄNGA: Adhunga ndrŭ tsó nyodyu na ndiri cho ndrŭ ronga ndima nanga jini ji ni ddi ná lo dho ndirigoti ri liri ni ddinga kpa ma na ndirigoti ri dhǒ bbo nǎ mana kʉ ná lo pʉlʉpʉlʉ d’e.
RI NI KA NI NJÍ NÁ CHU:
-
Adhu ndrŭ ronga ka ndi cho ndirigoti kpa nyǒ ka ndi tho ná lo. Adhu ngbà djo ndrŭ ka ndima ddinga ná lo inga cho ka ndi cho ndrŭ ronga ndima chu lo d’e ná ngadhudha.
-
Addinga ddikpa lo djo. Ako lo rr ná ndrŭ tsotso ndima ddinga bbo nga ni dhu kpa tso nari na ndiro kpa ba d’ʉ kʉ ná jibu d’e.
-
Adho bbo nǎ mana kʉ ná lo. Adhu ddikpa bblo kʉ ná ngadhudha ndiro ni ddi ddikpa bbo na mana kʉ ná longa d’e. Anjinjí lo djolu le ngʉ na ná ngadhudha na bbo na mana kʉ ná lo ni ddi ndrŭ dho nari goti inga dya ni ji nidya nidhó lo tso ná saa na.
