Ko krʉ adi ko ro mbu nja saa na njedha na kʉ nari bbai nì dhé. Fø lé le mbu nari nzá pori le nga kʉ udha na Yova djo ri. Føri djolu pli, Yova nganga maddi pongʉeri ndi bangʉe njedha ddikpa saa na. (Mwa 6:5, 6) Nde, ri ká ka ndi é ngbǎ njati bí ina inga krʉ saa ró ko di ko mbu si djolu njedha si nari bbai ró?

Anziri Yova kó ni tsotso. Ngbaribbai ma, ko ko mbu kodhó ngaddidha nǎ ma, ko thí nǎ ma nari adi Yova ronga lølø. Ke churie hwè na ko kʉ ná saa ma, njedha na ko kʉ ná saa ma na chu. Ke adi addudho ma ko ngaddi fø ndirigoti ko ko mbu fø nari famu nì. (Zb 7:9b) Bbo pli na mana kʉ ná lo kʉ, Yova adi ngaddi nì ko djo ndirigoti ke ka ndi kó ko tsotso ko ndiro ko hwini ko ko mbu njedha na kʉ ri inga bʉ thí bʉni nari bbai nari tswo ró d’e.​—Zb 34:18.

Ab’o nidhó ngaddidha ronga. Bʉ ko thí bʉni nari ka ndi si kodhó hwè si ndirigoti ndi lø ko kana kʉ Yova na ná kau ronga maddi. Føri dho, ri kʉ bblo kʉ ná lo ko b’o ko thí ronga.​—Mez 4:23.

ANINJA VIDEO NGBARIBBAI MA KO DJOI NGOI HWÈ NJI NÌ MAI LE THÍ BBɄ NÁ LO KɄ RO NDIRIGOTI ANINGɄ I NGADHUDHA GOTI:

• Nikki ká njingʉe addu ndiri kó ndi tsotso ndi hwini ndi thí bʉni nari tso ró d’e?

  Your answer

• Nikki ká mbungʉe ndi muganga dhi ngana rae nari bbai addudho?​—Mt 9:12

  Your answer

• Nikki ká lingʉe ndi thí Yova djo ngbá chu nǎ ndiro ndi ba kedhó le tsotsokodha d’e?

  Your answer