“N’abaami bwe batyo kibagwanidde okwagalanga bakyala baabwe nga bwe baagala emibiri gyabwe. Omusajja ayagala mukyala we aba yeeyagala kennyini, kubanga tewali muntu yali akyaye mubiri gwe, naye aguliisa era agulabirira . . . Buli omu ku mmwe agwanidde okwagalanga mukyala we nga bwe yeeyagala kennyini.”

Abeefeso 5:28, 29, 33

“Bataata temunyiizanga baana bammwe, naye mubakulize mu kukangavvula ne mu kubuulirira kwa Yakuwa.”

Abeefeso 6:4

“Omukyala asaanidde okussaamu ennyo mwami we ekitiibwa.”

Abeefeso 5:33

“Mmwe abakyala, mugonderenga abaami bammwe nga bwe kigwanira mu Mukama waffe.”

Abakkolosaayi 3:18

“Abaana, mugonderenga bazadde bammwe mu Mukama waffe kubanga kino kya butuukirivu. ‘Kitaawo ne nnyoko obassangamu ekitiibwa’ kye kiragiro ekisooka ekiriko ekisuubizo nti: ‘Osobole okubeera obulungi era owangaale ku nsi.’ ”

Abeefeso 6:1-3

“Mmwe abaana, mugonderenga bazadde bammwe mu buli kimu, kubanga kino kisanyusa Mukama waffe.”

Abakkolosaayi 3:20