Yona 2:1-10
2 Awo Yona n’asaba Yakuwa Katonda we ng’ali mu lubuto lw’ekyennyanja,+
2 n’agamba nti:
“Mu nnaku yange nnakoowoola Yakuwa n’anziramu.+
Nga ndi wansi* emagombe* nnawanjaga.+
Wawulira eddoboozi lyange.
3 Bwe wansuula mu buziba, mu nnyanja wakati,Amazzi agatambula gambuutikira.+
Amayengo go gonna ag’amaanyi gampitako.+
4 Era nnagamba nti, ‘Ngobeddwa mu maaso go!
Ndiddamu okutunula ku yeekaalu yo entukuvu?’
5 Amazzi gambuutikira ne mbulako katono okufa;+Obuziba bwanfumbiikiriza.
Omuddo ogw’omu nnyanja gwezingirira ku mutwe gwange.
6 Nnakka wansi ku ntobo z’ensozi.
Ebisiba eby’enzigi z’ensi byali binsibiddeyo emirembe n’emirembe.
Naye waggya obulamu bwange mu bunnya, Ai Yakuwa Katonda wange.+
7 Bwe nnawulira ng’obulamu bunzigwaamu, Yakuwa gwe nnajjukira.+
Awo okusaba kwange ne kujja gy’oli, mu yeekaalu yo entukuvu.+
8 Abo abeemalira ku bifaananyi ebitalina mugaso baleka ensibuko yaabwe ey’okwagala okutajjulukuka.
9 Naye nze nja kuwaayo ssaddaaka gy’oli n’eddoboozi ery’okwebaza.
Nja kusasula bye nneeyama.+
Obulokozi buva eri Yakuwa.”+
10 Oluvannyuma Yakuwa yalagira ekyennyanja ne kisesema Yona ku lukalu.
