ESSOMO 1
Ennyanjula Ennungi
Ebikolwa 17:22
MU BUFUNZE: Ennyanjula yo esaanidde okuleetera abakuwuliriza okwesunga ky’ogenda okwogerako, okumanya ensonga gy’ogenda okwogerako, era n’obukulu bw’ensonga eyo.
ENGERI Y’OKUKIKOLAMU:
-
Baleetere okwesunga. Kozesa ekibuuzo, ebigambo, ekintu ekyaliwo ddala oba ekibadde mu mawulire, ekiyinza okusikiriza abakuwuliriza.
-
Laga ky’ogenda okwogerako. Kakasa nti ennyanjula yo eyamba abakuwuliriza okumanya ensonga gy’ogenda okwogerako n’ekigendererwa kyayo.
-
Laga ensonga lwaki ky’ogenda okwogerako kikulu. Ky’ogenda okwogerako kituukaganye n’ebyetaago by’abakuwuliriza. Balina okutegeera engeri gye banaaganyulwamu.
