EKITUNDU 9
Ensi Erifuulibwa Ddi Olusuku lwa Katonda?
Ebizibu ebiriwo mu nsi biraga nti Obwakabaka bwa Katonda bunaatera okubaako kye bukolawo. Lukka 21:10, 11; 2 Timoseewo 3:1-5
Ebintu bingi ebiriwo kati Bayibuli yali yabyogerako dda. Yagamba nti abantu bandibadde baagala nnyo ssente, nga tebagondera bazadde baabwe, nga bakambwe, era nga baagala nnyo eby’amasanyu.
Wandibaddewo musisi ow’amaanyi, entalo, ebbula ly’emmere, n’endwadde nnyingi. Ebintu bino weebiri kati.
Ate era Yesu yagamba nti amawulire amalungi ag’Obwakabaka gandibuuliddwa mu nsi yonna.—Matayo 24:14.
Obwakabaka bujja kuggyawo ebintu byonna ebibi. 2 Peetero 3:13
Yakuwa anaatera okuzikiriza abantu ababi bonna.
Sitaani ne badayimooni bajja kubonerezebwa.
Abo abawuliriza Katonda bajja kusigalawo babeere mu nsi empya ey’obutuukirivu, omutaabeere kutya kwonna, era omunaabeera abantu abeesigaŋŋana era abaagalana.
Era Oyinza Okwagala Okusoma Ebitundu Bino
EBITABO N’OBUTABO
Obwakabaka bwa Katonda Kye Ki?
Yesu bwe yali ku nsi yalaga ebyo Obwakabaka bwa Katonda bye bunaakola.
EBITABO N’OBUTABO
Okubonaabona Kuliggwaawo?
Bayibuli egamba nti Katonda tayagalira ddala bantu kuyisibwa bubi era nti afaayo ku bantu. Okumanya ekyo kiyinza kukuganyula kitya?
