ABANTU ABAMU BAGAMBA NTI Obwakabaka bwa Katonda buli mu mitima gy’abantu; ate abalala balowooza nti abantu bwe banaaleeta emirembe ku nsi, awo bujja kuba bufuga. Ggwe olowooza otya?

BAYIBULI KY’EGAMBA

“Mu biseera bya bakabaka abo, Katonda w’eggulu alissaawo obwakabaka obutalizikirizibwa. . . . Bulibetenta era bulizikiriza obwakabaka [bw’abantu] bwonna.” (Danyeri 2:44) Obwakabaka bwa Katonda gavumenti ya ddala.

EBIRALA BYE TUYIGA MU BAYIBULI

• Obwakabaka bwa Katonda bufugira mu ggulu.​—Matayo 10:7; Lukka 10:9.

• Katonda akozesa Obwakabaka obwo okutuukiriza by’ayagala mu ggulu ne ku nsi.​—Matayo 6:10.

OLOWOOZA OTYA?

• Tewali amanyi

• Bunaatera okujja

• Tebulijja

BAYIBULI KY’EGAMBA

“Amawulire gano amalungi ag’Obwakabaka galibuulirwa mu nsi yonna okuba obujulirwa eri amawanga gonna, olwo enkomerero n’eryoka ejja.” (Matayo 24:14) Amawulire amalungi bwe ganaamala okubuulirwa mu bujjuvu, Obwakabaka bwa Katonda bujja kujja buggyewo omulembe guno omubi.

EBIRALA BYE TUYIGA MU BAYIBULI

• Tewali muntu yenna amanyi kiseera Obwakabaka bwa Katonda lwe bunajja.​—Matayo 24:36.

• Obunnabbi obuli mu Bayibuli bulaga nti Obwakabaka bwa Katonda bunaatera okujja.​—Matayo 24:3, 7, 12.