Jo Tile Opiza Ru Ma Alea Ri
A’DIKO 103
Jo Tile Opiza Ru Ma Alea Ri
PETERO pini dri edazu Yohana be Yesu ma nyadriari si ’bori ma vutia, Mariamu nga awi vule ’dale a’dule. Nga di e’do awu wu. Nga avu va angu nezu nyadri alea beni ekile amani ta ne ’i’da oko ’da ma alea rile. Nga malaika yi ne iri! Ziki eri tia kini: ‘Mi wu a’du e’yo si ya?’
Mariamu nga omvi kini: ‘’Ba ’du Opi maniri ’doa risi ra, ani ni ’ba ’ba eri ngoa ya ri ku.’ Mariamu nga ti oja ne ’ba azini. Zi eri kini: ‘Mi a’di ni nda ya?’
Mariamu ega agu nde ’di i ’ba azi amvu ’yapi ni, ani eco sawa azini si Yesu ni ’du ni. ’Yo kini: ‘Mika eri ’du niani kiri kiri mi lu ma dri eri ngoa yari.’ Te adani agu ’di i bani Yesu i. Su ndra rua Mariamu ni ecole nile ku. Te ka eri omve ru si ’bo, Mariamu nga ni ra ada di Yesu i. Nga di nzu ’ba Yesu vuti bipi ’diyi pivu kini: ‘Ane opini ’bo!’
Etu ’dasi ’ba ti opele Yesuni azi iri ’diyi ki muria aku Emau nia, mi ne agu azini nga eca eyivu muzu yibe tualu. Drata Yesuni ma e’yosi, ’ba ti opele iri ’diyi o’aki candisi. Te eyini muria geria, agu nde ’di nga eyi ma asi omi e’yo Biblia alea ’diyi si. Asizu yini pa sozu nyaka nyaria ngaki va ra agu te e’yi asi omi pi ’di i dere Yesu i. ’Di ma vutia, Yesu nga avi ra, ani ’ba ti opele iri ’diyi nga dri da vule mbele muzu e’yo diri ecezu ’ba ti opele azi ’diyi dri.
Yini dri daria e’yo ’di ecezu ’ba azi ’diyi dri ria, Yesu i’da vini i Petero dri indi. ’Ba azi ’diyi ngaki eca ayikosi eyini e’yo ’diyi eriria. ’Ba ti opele iri ’diyi ngaki eca Yerusalemua risi ’ba ti opele azi ’diyi vu. Oluki eyi tia Yesu e’da vini i eyi dri geria ra ri ma e’yo indi. Eyini e’yo ’diri nzezu eyi ma eselea ria, mini a’du e’yo ’ye i osuta ru niari ra ya?
Mi ne nga e’da ’da i. Yesu eda i joa ’da tro kati ni ovuzu opizaru ti. Ayiko fu ’ba Yesu vuti bipi ’diyi saaru! Ada ’da ovuni ndra o’du ayiko vileri i ku ya? Mi ico Yesu ida i ’ba ti opele ’diyi ni pale si’ari lu ra ya? Mi la nga, ca pale towi ra ya?
Sawa Yesu ni i e’dazu ’ba ti opele ’diyi ni risi, isu de Tomasi ni ’da yo. Ani ’ba ti opele ’diyi ngaki ’yo eri tia kini: ‘Aneki Opini bo!’ Te Tomasi ’yo kini i cani a’i ku kpere ini Yesu ni nezu i ma milesi. O’du ni alizu aro ’bori ma vutia, ’ba ti opele ’diyi tra yi tualu joa kati be opizaru dika, sawa va ’disi Tomasi ni de ci indi. Coti Yesu nga i e’da ’ba nde ’diyi dri joa ’da. Ani Tomasi nga di a’ira.
