Rutu Pi Naomi Be
A’DIKO 51
Rutu Pi Naomi Be
BIBLIA ma alea mi nga buku omvele Rutu i ri isu. Nze e’yo ’ba aku aluni ma dria ewu Israelini ovuzu ’ba e’yo lipi ‘diyi ma palea ria. Rutu ni zamva ode ru engapi angu Moabunia ri; engani suru Munguni Israeli ru ri ma alea ku. Te Rutu ka mu e’yo oni Mungu adaru Yehova ma ndria ’bo, nga eri le saaru. Naomi ni oku deza ru Rutu ma aza kopi e’yo onizu Yehova ma dria ri.
Naomi ni oku Israelio ru ni. Eri i azini agupi erivule ri be azini agupianzi iri eyivule ’diyi pie emu ndra engazu angu Moabuni ria nyaka ni ovule Israelia were ri si. ’Da ma vutia o’du alu Na’omi vile agupi ri nga dra ra. Naomi vile agupianzi iri ’diyi nga ezoanzi Moabu ni iri omve le Rutu pi Oripa be ’diyi o’du oku ru. Te eli 10 ma vutia Naomi vile agupianzi iri ’diyi nga odra ra. Naomi pi ezoanzi iri ’diyi be nga ovu candi si tu! Naomi ni nga a’du afa ‘ye ya?
O’du alu Naomi nga mu ’ba ivile ’diyi vu akua. Rutu pi Oripa be le o’a eri be, ani nga mu eri be indi. Te eyini muria geria eri be, Naomi nga ti oja ezoanzi ’diyi vu kini: ‘Emi ma mvi akua o’azu emima andripika pie.’
Naomi nga eyi ma o’bolo ndru dika ’yo ma aciki di muke. Nga ki di awu wu, a’dusiku eyini Naomi ni lele turisi dika nga ’yo kini: ‘Yo fo! Mi ku ama mvi mi be mi o’dupia.’ Te Naomi nga omvi kini: ‘Emi ma mvi, ma ezoanzi ma ni. Eri nga ovu emini onyirutu emi ka mvi akua.’ Ka’dini Oripa e’do mvi akua ra. Te Rutu ga mviko si.
Naomi nga ti oja eri vu kini: ‘Oripa mvi ’bo. Mi ma mvi eri be indi.’ Te Rutu nga omvi kini: ‘Mi ma ’ba matu mavu kini, ma ma ku mi ra ku! Mi fe ma ma mu mi be. Pari mini muzuria ma nga mu indi. Pari mini rizu ria ma nga ri indi. ’Ba mini ’diyi nga ovu ’ba mani dika Mungu mini ri nga ovu Mungu mani. Pari mini ngazu drazu ria ma nga dra ’da.’ Rutu ka omvi ’dinile ’bo, Naomi teni eri zi dika mvizu akua ku.
Asizu oku iri ’diyi nga mu Israelia tualu. ’Diri ovu pari eyini rizu o’azuri i. Coti Rutu e’do azi nga amvua a’dusiku ’dari sawa ondu lozuri. Agu omvele Boazi i ri fe eri ni ondu lozu ivule amvua. Mi ni Boazi ma andri ni a’di i’ari ra ya? Eri Rahabu andra ovupi aku ambo Yeriko nia ri i.
O’du alu Boazi nga ’yo Rutu ni kini: ‘Ma eri eyo dria mi ma dria azini geri mini kililiru Naomi beri ’bo. Ma ni ra mi ku mi ati pi mi andri be azini ’ba mivule angua ’diyi pie mini ecazu ’ba mini drio nile ku ’diyi vu. Le Yehova ma ofe azi mini ma arioti ni!’
Rutu nga omvi kini: ‘Mi ovu asi ndriza be ma vu, culu. Mi fe ma o’a ayikosi geri mini e’yo ’yezu ma be risi.’ Boazi le Rutu ni saaru ani o’du were vutia nga eri ’du ini oku ru ra. Naomi nga ovu ayikosi! Naomi nga ovu ayikositu a’dusiku Rutu pini agupiamva oko omve le Obedi i ri isuzu Boazi be ri si. Obedi nga eca Daudi ma a’bi ni, amani nga e’yo angiri onizu drinia ndo rile. Buku Biblia alea Rutu ni.
