EBIMÁ KAKA YANGO MOKO?
Miinda ya mwa nyama babengi luciole to epela mwinda
MIINDA, to eteni ya nzoto ya mwa nyama yango oyo ebimisaka pole, ezipamá na mposo (écailles) oyo ebakisaka pole oyo mwa nyama yango ebimisaka. *
Mposo (écailles)
Tókanisa naino: Bato ya mayele bamonaki ete mposo (écailles) yango ya mikemike oyo ezalaka na esika oyo mwinda epelaka na nzoto ya mwa nyama yango ezalaka lokola manzanza oyo batyaka na ndako to lokola bakaro oyo batyaka na pavema. Mposo yango elandaná moko nsima ya mosusu na ntaka ya mikromɛtrɛ 3, mwa moke mbala 20 koleka ndenge nsuki ya motó na biso ezalaka. Atako ekangamakangamá ndenge wana, mposo yango esalaka ete miinda yango epela makasi (50%) koleka ndenge elingaki kopela soki ezalaka bongo te!
Bakoki kosalela mayele yango mpo na kobongisa lisusu ndenge miinda ya baaparɛyi epelaka? Mpo na koyeba yango, bato ya siansi bakangisaki bansinga oyo elekisa kura mpo na kopelisa miinda ya baaparɛyi na eloko moko oyo ekokani na mposo ya mwa nyama yango. Nini esalemaki? Bansinga yango ebimisaki pole makasi (55%) koleka ndenge ebimisaka! Annick Bay moto moko ya siansi alobi boye: “Likambo eleki ntina ezali ete mosala yango emonisi ete moto akoki koyekola makambo mingi soki atali malamumalamu biloko oyo Nzambe akelá.”
Okanisi nini? Miinda oyo epelaka na nzoto ya mwa nyama yango, ebimá kaka yango moko to basalaki yango kosala?
^ par. 3 Bato ya siansi bayekoli naino te mitindo nyonso ya mwa nyama yango.
Talá mpe...
LAMUKÁ!
Mposo ya nyama babengi loutre de mer
Banyama mingi oyo emɛlisaka bana mabɛlɛ (mammifères) mpe efandaka na mai ya malili ezalaka na mposo oyo ebatelaka yango mpo eyoka malili mingi te. Kasi loutre de mer ezalaka ndenge mosusu.
LAMUKÁ!
Mayele oyo nzoi esalelaka mpo na kokita
Mpo na nini mayele oyo nzoi esalelaka mpo na kokita ebongi mpe kosalelama mpo na kotambwisa barobo oyo epumbwaka?
LAMUKÁ!
Bansingansinga ya mbɛmbɛ ya mai oyo babengi moule
Mbɛmbɛ ya mai esalelaka bansingansinga yango mpo ekangana na eloko moko. Koyeba ndenge oyo yango esalaka ekoki kosalisa mpo na kobimisa bisaleli ya sika mpe ya malamu ya kokangisa biloko ya kotongela bandako to kokangisa mikuwa na misisa ya minene.
