Makambo nini osengeli kotalela?
“Molɔ́ngɔ́ ekoki kosalema yango moko mpe ekomisala yango moko.”—Stephen Hawking ná Leonard Mlodinow, bato ya mayele na physique, 2010.
“Nzambe azalisaki likoló mpe mabele.”—Biblia, Ebandeli 1:1.
Nzambe nde asalá molɔ́ngɔ́ mpe bomoi oyo ezali na kati na yango to ebimá kaka yango moko? Eyano oyo bato ya mayele mibale na makambo ya physique oyo touti kolobela na ebandeli ya lisolo oyo bapesi, mpe eyano oyo vɛrsɛ ya liboso ya Biblia epesi ekeseni mosika mpenza. Bato mingi bandimaka makanisi yango nyonso mibale. Kasi, bato mingi mpe bayebi eyano ya malamu te. Bato batyelanaka ntembe na likambo yango na babuku mpe na baemisyo ya TV.
Ntango mosusu, balakisi na yo mpe basilá koloba ete molɔ́ngɔ́ mpe bomoi oyo ezali na kati na yango ebimá kaka yango moko, moto asala yango te, mpo Nzambe azali te. Kasi, balakisi na yo basilá kolakisa yo makambo oyo emonisi ete Mozalisi azali te? Ntango mosusu, osilá koyoka basango ná bapastɛrɛ bazali koteya ete Mozalisi azali. Kasi, basilá kopesa yo elembeteli moko oyo endimisi likanisi na bango? To basɛngaki yo nde ondima maloba na bango mpo ezali likambo ya “kondima” to mpo ezali liteya ya lingomba?
Ntango mosusu, osilá kokanisa na motuna yango. Mbala mosusu, moto moko te akoki komonisa na bosikisiki ete Mozalisi azali. Okoki mpe komituna boye: Kozwa eyano na motuna yango ezali mpenza na ntina?
Ya liboso, nimero ya Lamuká! oyo ekolobela makambo oyo etindá bato mingi bándima ete Mozalisi azali. Na nsima, ekolobela ntina oyo eyano na motuna etali ndenge bomoi ebandá ezali na motuya mingi mpenza.
Talá mpe...
MATEYA YA NTINA MINGI YA BIBLIA
Molɔ́ngɔ́ ekelamaki?
Bato mingi bandimaka te lisolo oyo Biblia elobi mpo na bozalisi to bamonaka yango lokola lisapo mpamba. Makambo oyo Biblia elobi ekoki kotyelama motema?
MAKAMBO MOSUSU
Bomoi ebandá ndenge nini?
Emonani ete, bato mingi oyo batángá, ata mpe bato mosusu ya siansi bandimaka mpenza te liteya ya evolisyo.
BIYANO NA MITUNA YA BIBLIA
Nzambe akelaki nde lolenge nyonso ya bomoi na nzela ya evolisyo?
Biblia eboyi te likanisi ya bato ya siansi oyo emonisaka ete mbongwana esalemaka na motindo mokomoko ya ekelamu ya bomoi.
MITUNA OYO BILENGE BATUNAKA
Bomoi ekelamá to ebimá yango moko?—Eteni 1: Mpo na nini kondima ete Nzambe azali?
Olingi koyeba ndenge ya kolimbola kozanga kobanga ntina oyo ondimaka ete Nzambe azali? Talá oyo okoki koloba soki moto atuni yo ntina oyo ondimaka ete Nzambe azali.
NDENGE BAVƐRSƐ YA BIBLIA ELIMBOLAMI
Ndenge Ebandeli 1:1 elimbolami—“Na ebandeli Nzambe azalisaki likoló mpe mabele”
Vɛrsɛ ya liboso ya Biblia elobeli makambo nini mibale ya ntina oyo ezali solo?
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
