Biblia elobi nini?
Biblia ekoki kosalisa yo otika komitungisa?
Okopesa eyano nini?
Ɛɛ
Te
Ntango mosusu
Oyo Biblia elobi
‘Bwakelá [Nzambe] mitungisi na yo nyonso, mpo atyelaka yo likebi.’ (1 Petro 5:7) Biblia emonisi ete Nzambe akoki kosalisa yo ozala na kimya ya motema ata na ntango ya mitungisi.
Oyo Biblia elobi lisusu na likambo yango
Na nzela ya libondeli, okoki kozwa “kimya ya Nzambe,” oyo ekokitisa mitungisi na yo.—Bafilipi 4:6, 7.
Longolá yango, kotánga Liloba ya Nzambe ekosalisa yo olonga mitungisi.—Matai 11:28-30.
Mitungisi ekosila mokolo mosusu?
Bato mosusu bakanisaka . . . ete moto oyo azali na bomoi asengeli kaka komitungisa, nzokande basusu bakanisaka ete mitungisi esilaka kaka soki moto akufi. Okanisi nini?
Oyo Biblia elobi
Nzambe akolongola makambo nyonso oyo ebimisaka mitungisi. “Liwa ekozala lisusu te, ná lilaka ná koganga ná mpasi ekozala lisusu mpe te.”—Emoniseli 21:4.
Oyo Biblia elobi lisusu na likambo yango
Ntango Bokonzi ya Nzambe ekoyangela mabele, bato bakozala na kimya mpe bakobanga ata moke te.—Yisaya 32:18.
Bato bakomitungisa lisusu te.—Yisaya 65:17.
Talá mpe...
LAMUKÁ!
Mitungisi—Oyo okoki kosala mpo elekela yo motó te
Batoli ya Biblia ekoki kosalisa yo mpo mitungisi oyo eutaka na makambo minei oyo bato mingi bakutanaka na yango elekela yo motó te.
MAKAMBO MOSUSU
Mibali mpe mitungisi—Lisalisi nini Biblia ekoki kopesa?
Bato bazali komitungisa lisusu mingi koleka na ntango oyo ya nsuka. Soki ozali komitungisa, Biblia ekoki kosalisa yo?
BIBLIA - LIBONGOLI YA MOKILI YA SIKA
Ndenge nini okoki kolonga mitungisi?
Soki omoni ete mitungisi elekeli yo, Biblia ekoki kosalisa.
