Ntango tozali kotánga Biblia, tokoki kosala bolukiluki mpo na kokanga malamu ntina ya makambo oyo tozali kotánga. Kasi, tolingaka koyekola kaka te mpo tókóma na boyebi mingi. Tolingaka kozwa biloko ya motuya ya elimo na oyo etali bizaleli ya Yehova oyo ekosalisa biso tókóma kolinga ye lisusu mingi. Mpo tósala yango, tokoki komituna boye: ‘Lisolo oyo ya Biblia eteyi ngai nini mpo na Yehova?’

Tokoki koluka bilembeteli oyo emonisi ete Yehova amonisaka bizaleli oyo ya minene: bolingo, bwanya, bosembo, mpe nguya. Nzokande, bomoto ya Yehova esuki kaka te na bizaleli wana ya minene. Esangisi mpe bizaleli mosusu oyo ebendaka biso epai na ye. Epai wapi okoki koluka koyeba makambo mosusu oyo etali bizaleli yango?

Luká liste ya bizaleli mosusu koleka 50 oyo ezali na Index des publications Watch Tower na nse ya motó ya likambo “Jéhovah” mpe na nsima na nse ya motó ya likambo moke “Qualités par leur nom.” Saláká bolukiluki na makambo oyo eyokani na lisolo ya Biblia oyo ozali kotánga. (Soki ozali kaka na Buku ya bolukiluki ya Batatoli ya Yehova, luká na motó ya likambo “Yehova Nzambe” mpe na nsima kende na motó ya likambo moke “Bizaleli ya Yehova.”)