Bamilio ya bato bazalaka na elikya ya kokende likoló. Yesu alobaki ete bantoma na ye ya sembo bakokende kofanda kuna. Liboso ya liwa na ye, alakaki bango ete akei kobongisela bango esika epai ya Tata na ye ya likoló.​—Tángá Yoane 14:2.

Mpo na nini bato mosusu bakosekwa mpo na kokende kofanda na likoló? Bakokende kosala nini? Yesu ayebisaki bantoma na ye ete bakozala bakonzi mpe bakoyangela mabele.​—Tángá Luka 22:28-30; Emoniseli 5:10.

Na bamboka mingi, kaka bato moke nde bayangelaka. Lokola Yesu azali kosekwisa bato mpo bákende kofanda na likoló mpe báyangela mabele, tosengeli kozala na elikya ete bato yango oyo baponami, bazali moke. (Luka 12:32) Biblia eyebisi mpenza soki bato boni bakoyangela ná Yesu.​—Tángá Emoniseli 14:1.

Kaka bato oyo bakokende likoló te nde bakozwa mapamboli. Bato ya sembo oyo Bokonzi ya Yesu ekoyangela, bakosepela na bomoi libela na libela na mabele oyo ekozonga paradiso. (Yoane 3:16) Bato mosusu bakotikala na bomoi ntango mokili oyo ya mabe ekobomama mpe bakokɔta na paradiso. Bamosusu bakokɔta soki basekwi.​—Tángá Nzembo 37:29; Yoane 5:28, 29.