Amose 8:1-14
8 Talá oyo Yehova Nkolo Mokonzi-Oyo-Aleki-Nyonso amonisaki ngai! Namonaki kitunga moko ya bambuma oyo eteli.*
2 Bongo atunaki ngai: “Amose, ozali komona nini?” Nazongisaki: “Kitunga moko ya bambuma oyo eteli.”* Bongo Yehova alobaki na ngai: “Nsuka ya bato na ngai Yisraele ekómi. Nakolimbisa bango lisusu te.+
3 ‘Na mokolo yango nzembo ya tempelo ekobongwana kolela,’+ Yehova Nkolo Mokonzi-Oyo-Aleki-Nyonso alobi bongo. ‘Ekozala na bibembe ebele, oyo bakobwaka bisika nyonso.+ Shiii!’
4 Bóyoka likambo oyo, bino baoyo bozali konyatanyata babola,Mpe kolimwisa bato ya komikitisa na ekólo,+
5 Bozali koloba: ‘Ntango nini fɛti ya sanza ya sika ekosila,+ mpo tókoka kotɛka mbuma na biso?Mpe sabata,+ mpo tókoka kotya mbuma na biso mpo na kotɛka?
Bongo tokokómisa mezire ya efa* moke,Mpe tokobakisa kilo ya shekele*Mpe tokobongola bimekeli-kilo na biso mpo na kokosa bato;+
6 Mpo tókoka kosomba moto oyo azangá mpo na palataMpe mobola mpo na sandale,+Mpe mpo tókoka kotɛka putulu mpamba ya mbuma na biso.’
7 Yehova alapi ndai na Lokumu ya Yakobo:+‘Nakobosana ata moke te makambo nyonso oyo basalaki.+
8 Mpo na yango, mokili* ekoningana,Mpe bafandi na yango nyonso bakolela.+
Ekomata te lokola Nile ntango mai na yango etondi?Ekotombwana mpe ekokita na nse lokola Nile ya Ezipito.’+
9 Yehova Nkolo Mokonzi-Oyo-Aleki-Nyonso alobi,‘Na mokolo yango nakosala ete moi elala na ntango ya midi,Mpe nakotika ekólo ezala kaka na molili, wana moi ezali kongɛnga.+
10 Nakokómisa bafɛti na bino matánga+Mpe banzembo na bino nyonso banzembo ya mawa.*
Nakolatisa loketo nyonso ngɔtɔ* mpe nakokómisa mitó nyonso mabandi;Nakosala ete ezala lokola kolela oyo balelaka mwana mobali kaka moko,Mpe nsuka ya mokolo yango ekozala bololo.’
11 ‘Bóyoka!’ Yango nde liloba ya Yehova Nkolo Mokonzi-Oyo-Aleki-Nyonso, mikolo ezali koya,‘Nakotinda nzala moko na mokili,Nzala ya mampa te to mposa ya mai te,Kasi ya koyoka maloba ya Yehova.+
12 Bakotambola na kotengatenga longwa na mbu moko tii na mbu mosusu,Mpe longwa na nɔrdi tii na ɛsti.*
Bakotambola epai na epai mpo na koluka liloba ya Yehova, kasi bakomona yango te.
13 Na mokolo yango bangɔndɔ kitoko bakosila makasi,Ata mpe bilenge mibali, mpo na mposa ya mai;
14 Baoyo bazali kolapa ndai na libunga ya Samaria,+ mpe bazali koloba:“Lokola nzambe na yo azali solo na bomoi, Ee Dani!”+
Mpe, “Lokola nzela ya Beere-sheba+ ezali kaka!”
Bakokwea, mpe bakotɛlɛma lisusu te.’”+
Maloba na nse
^ To, “mbuma ya eleko ya molunge.”
^ To, “mbuma ya eleko ya molunge.”
^ To, “mabele.”
^ To, “banzembo ya matánga.”
^ Talá Ndimbola ya maloba.
^ To, “epai moi ebimaka.”
