Hosea 9:1-17
9 “Kosepela te, Ee Yisraele!+Kozala na esengo te lokola bato ya bikólo.
Mpamba te mpo na bondumba* okómi mosika na Nzambe na yo.+
Olingi lifuti oyo ozali kozwa na bondumba oyo ozali kosala na bisika nyonso ya kotutatuta mbuma.+
2 Kasi esika ya kotutatuta mbuma mpe ekamwelo ya vinyo ekoleisa yo te,Mpe okozanga vinyo ya sika.+
3 Bato ya Yisraele bakokoba te kofanda na mokili ya Yehova;+Kasi, Efraime akozonga na Ezipito,Mpe na Asiri akolya biloko oyo ezali mbindo.+
4 Bakosopa lisusu makabo ya vinyo liboso ya Yehova te.+Bambeka na bango ekosepelisa ye te.+
Bazali lokola mampa ya matánga;Baoyo nyonso bazali kolya yango, bakomikómisa mbindo.
Mpo mampa na bango ezali kaka mpo na bango moko;*Ekoya na ndako ya Yehova te.
5 Bokosala nini na mokolo ya koyangana,*Na mokolo ya fɛti ya Yehova?
6 Mpo bóyoka! basengeli kokima mpo na libebi.+
Ezipito ekoyanganisa bango+ mpe Memfisi ekokunda bango.+
Matiti ya nsendensende ekotonda na biloko na bango ya motuya ya palata,Mpe ekozala na mwa banzete ya nzubɛnzubɛ na kati ya bahema na bango.
7 Mikolo ya kozongisa monɔkɔ ekoya,+Mikolo ya kozwa etumbu ekoya,Mpe Yisraele akoyeba yango.
Mosakoli na bango akozala zoba, mpe moto oyo asakolaka makambo akokóma ligboma.Lokola osali libunga monene, koyina oyo bayini yo ezali monene.”
8 Sinzili+ ya Efraime azalaki elongo na Nzambe na ngai.+
Kasi sikoyo, banzela nyonso ya basakoli na ye+ ezali lokola mitambo ya mokangi-ndɛkɛ.Koyina ezali na ndako ya Nzambe na ye.
9 Bamikɔtisi mpenza na libebi, lokola na mikolo ya Gibea.+
Akokanisa lisusu libunga na bango mpe akopesa bango etumbu mpo na masumu na bango.+
10 “Ntango nakutaki Yisraele, ezalaki lokola kokuta mbuma ya vinyo na kati ya esobe.+
Ntango namonaki bankɔkɔ na bino, ezalaki lokola komona mbuma ya liboso ya figi na nzete ya figi.
Kasi bakendaki epai ya Baala ya Peore,+Bamipesaki na eloko ya nsɔni,*+Mpe bakómaki bosɔtɔ lokola eloko oyo balingaki.
11 Nkembo ya Efraime epumbwe mosika lokola ndɛkɛ.Moto azali kobota te, zemi ezali te, mpe moto azali kozwa zemi te.+
12 Ata soki babɔkɔli bana,Nakozangisa bango bana yango tii ata mobali moko te akotikala;+Ɛɛ, mawa na bango ntango nakopesa bango mokɔngɔ!+
13 Efraime, oyo alonami na esika ya koleisa bibwɛlɛ matiti, azalaki na miso na ngai lokola Tire.+Sikoyo Efraime asengeli kobimisa bana na ye mpo bábomama.”
14 Ee Yehova, pesá bango oyo osengeli kopesa bango:Pesá bango libumu oyo esopaka zemi mpe mabɛlɛ ekauká.*
15 “Mabe na bango nyonso ezalaki na Gilgale,+ mpo kuna nde nayaki koyina bango.
Nakobengana bango na ndako na ngai mpo na misala na bango ya mabe.+
Nakolinga bango lisusu te.+Bankumu na bango nyonso bazali mitó makasi.
16 Efraime akokweisama.+
Misisa na bango ekokauka, mpe bakobota mbuma te.
Ata soki basi na bango baboti bana, nakoboma bana oyo bango balingi.”
17 Nzambe na ngai akobwaka bango,Mpo bayokeli ye te,+Mpe bakokóma bato oyo bazali kokimakima na kati ya bikólo.+
Maloba na nse
^ To, “pite; kosangisa nzoto na bato ndenge na ndenge.”
^ To, “mpo na molimo na bango moko.”
^ To, “na fɛti na bino oyo etyamá.”
^ To, “nzambe ya nsɔni.”
^ To, “oyo ezangi mai.”
