Nzembo 139:1-24
Mpo na mokambi ya nzembo. Mondule ya Davidi.
139 Ee Yehova, otalitali ngai, mpe oyebi ngai.+
2 Oyebi ntango nafandi mpe ntango natɛlɛmi.+
Uta na mosika oyebi malamu makanisi na ngai.+
3 Otali ngai* ntango nazali kosala mobembo mpe ntango nazali kolala;Oyebi malamu banzela na ngai nyonso.+
4 Ee Yehova, osili koyeba makambo oyo nakolobaLiboso kutu naloba.+
5 Ozingi ngai na nsima mpe na liboso;Mpe otye lobɔkɔ na yo likoló na ngai.
6 Nakoki ata moke te kososola boyebi ya boye.*
Eleki likoló mingi, nakoki kokóma kuna te.+
7 Epai wapi nakoki kokima elimo na yo,Mpe epai wapi nakoki kokima elongi na yo?+
8 Soki namati na likoló, ozali kuna,Mpe soki natye mbeto na ngai na Nkunda,* talá! ozali kuna.+
9 Soki napumbwe na mapapu wana ntɔngɔ ezali kotanaMpo nafanda na mbu ya mosika koleka,
10 Ata kuna, lobɔkɔ na yo ekokamba ngaiMpe lobɔkɔ na yo ya mobali ekosimba ngai.+
11 Soki nalobi: “Ya solo mpenza molili ekozipa ngai!”
Na ntango yango butu ekokóma pole zingazinga na ngai.
12 Ata molili ekozala makasi mpenza te mpo na yo,Kasi butu ekongɛnga lokola moi;+Mpo na yo molili ná pole ezali ndenge moko.+
13 Mpo osalaki bangɛi na ngai;Ozipaki* ngai na libumu ya mama na ngai.+
14 Nazali kosanzola yo mpo nasalemi na ndenge moko ya kokamwa, na ndenge moko ya nsɔmɔ.+
Misala na yo ezali ya kokamwa,+Nayebi yango malamu mpenza.
15 Mikuwa na ngai ebombanaki na miso na yo teNtango nasalemaki na nkuku,Ntango nalitamaki lokola elamba na mozindo mpenza ya mabele.+
16 Miso na yo emonaki ndenge nazalaki naino liki;Biteni na yango nyonso ekomamaki na buku na yoNa kolanda mikolo oyo yango esalemaki,Liboso ata eteni na yango moko ezala.
17 Mpo na ngai, makanisi na yo ezali na motuya mingi mpenza!+
Ee Nzambe, motángo na yango nyonso ezali monene mpenza!+
18 Soki nameki kotánga yango, ekoleka kutu bambuma ya zɛlo.+
Ntango nalamuki, nazali kaka elongo na yo.*+
19 Ee Nzambe, soki obomaka ata bato mabe!+
Mbɛlɛ bato ya mobulu* batiki ngai,
20 Baoyo balobelaka yo makambo na likanisi mabe;Bazali banguna na yo, oyo bazwaka nkombo na yo na lisɛki.+
21 Ee Yehova, nayinaka nde te baoyo bazali koyina yo,+Mpe nayokaka mabe mpenza* te mpo na baoyo bazali kotombokela yo?+
22 Nayinaka bango mpenza;+Bakómá mpenza banguna na ngai.
23 Ee Nzambe, talá ngai malamumalamu mpe yebá motema na ngai.+
Talá ngai malamumalamu mpe yebá makanisi oyo etungisaka ngai.+
24 Moná soki kati na ngai ezali na nzela moko oyo eyokisaka mpasi,+Mpe tambwisá ngai+ na nzela ya seko.
Maloba na nse
^ Lil., “Otali ngai malamumalamu.”
^ To, “Boyebi ya boye ezali kokamwisa ngai mpenza.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
^ To mbala mosusu, “Oyemaki.”
^ To mbala mosusu, “nakokoba kotánga yango.”
^ To, “bato ya ngambo.”
^ To, “nayokaka nkɛlɛ.”
