Yisaya 16:1-14
-
Nsango ya mpasi mpo na Moabe ezali kokoba (1-14)
16 Bótindela moyangeli ya mokili mpate moko ya mobali,Uta na Sela, bótinda yango na esobeTii na ngomba ya mwana mwasi ya Siona.
2 Na bisika oyo bakatisaka Arnone na makolo,+Bana basi ya Moabe bakokóma lokola ndɛkɛ oyo babengani na zumbu* na yango.+
3 “Pesá toli, salelá ekateli.
Na midi, kómisá elili na yo lokola butu.
Bombá bato oyo bapalangani mpe kotɛka te bato oyo bazali kokima.
4 Ee Moabe, tiká bato na ngai oyo bapalangani báfanda epai na yo.
Kómá esika na bango ya kobombama mpo na mobebisi.+
Monyokoli akokóma na nsuka na ye,Libebi ekosila,Mpe baoyo bazalaki konyatanyata basusu bakosila na mabele.
5 Bongo na bolingo ya sembo, kiti ya bokonzi ekopikama makasi,
Moto oyo afandi na yango na hema ya Davidi akozala sembo,+Akosambisa na bosembo, akosala noki mpo na kosalela boyengebene.”+
6 Toyoki nsango ya lolendo ya Moabe—azali na lolendo mpenza+—Lofundo na ye, lolendo na ye mpe nkanda na ye ya makasi;+Kasi bilobaloba na ye ekosala eloko te.
7 Yango wana, Moabe akoganga na kolela mpo na mpasi na ye;Bango nyonso bakoganga na kolela.+
Baoyo balongi etumba te bakolelalela mpo na bagato ya mbuma ya vinyo ya Kire-haresete.+
8 Mpo mikala ya bilanga ya Heshibone+ ekauki,Nzete ya vinyo ya Sibima mpe ekauki,+Bayangeli ya bikólo banyatinyati bitape na yango ya motane ngwaa;*Ekómaki tii na Yazere;+Ekendaki tii na esobe.
Bitape na yango ekolaki mpe ekendaki mosika tii na mbu.
9 Yango wana nakolela nzete ya vinyo ya Sibima ndenge nazali kolela Yazere.
Ee Heshibone mpe Eleale,+ nakopɔlisa yo na mai ya miso na ngaiMpo koganga ya esengo oyo ebimi na eleko na yo ya molunge mpe na eleko na yo ya kobuka mbuma ekómi na nsuka.*
10 Balongoli nsai mpe esengo na elanga ya banzete ya mbuma,Mpe na bilanga ya vinyo,+ nzembo ya koganga na esengo ezali te.
Monyati azali konyata mbuma moko te ya vinyo na bikamwelo,Mpo nasalaki ete bátika koganga.+
11 Yango wana na kati na ngai nazali koningana mpo na likambo ya Moabe,+Lokola nzɛnzɛ oyo bazali kobɛta,Mpe natondi mpenza na mawa mpo na Kire-haresete.+
12 Ata ntango oyo Moabe akolɛmba na esika oyo etombwaná mpe akokende na esika na ye mosantu mpo na kobondela, akosala eloko moko te.+
13 Yango nde liloba Yehova alobaki kala mpo na Moabe.
14 Mpe sikoyo Yehova alobi ete: “Liboso mbula misato esila, lokola bambula ya mosali oyo azwaka lifuti,* nkembo ya Moabe ekosambwisama mpenza na ebele ya yikiyiki ya ndenge nyonso, mpe baoyo bakotikala bakozala mpenza moke, bakozala na nguya te.”+
Maloba na nse
^ To, “zála.”
^ To, “bitape na yango oyo etondi na mbuma ya vinyo ya motane.”
^ To mbala mosusu, “koganga ya etumba ekiti na eleko na yo ya molunge mpe na eleko na yo ya kobuka mbuma.”
^ To, “atángaka yango malamumalamu ndenge moto oyo azwaka lifuti asalaka.” Elingi koloba, “mbula misato mpenza.”
