Yisaya 17:1-14
17 Liyebisi mpo na Damasi:+
“Talá! Damasi ekozala lisusu engumba te,Mpe ekokóma esika oyo ebebisamá mpo na libela.+
2 Bingumba ya Aroere+ ekosundolama;Ekokóma bisika oyo bitonga ekobanda kolalaMpe moto ata moko te akobangisa yango.
3 Bingumba oyo ebatelami makasi ekozala lisusu te na Efraime,+Mpe bokonzi ekozala lisusu te na Damasi;+Bato ya Siri oyo bakotikalaBakokóma lokola nkembo ya Bayisraele,”* yango nde liloba ya Yehova ya mampinga.
4 “Na mokolo yango, nkembo ya Yakobo ekokita,Mpe nzoto na ye ya mafuta ekokɔnda.
5 Ekozala lokola ntango mobuki-mbuma azali koyanganisa blé oyo etɛlɛmiMpe lobɔkɔ na ye ezali kobuka mitó ya blé,Lokola moto oyo azali kolɔkɔta blé na Lobwaku* ya Refaime.+
6 Kaka mbuma ya kolɔkɔta nde ekotikalaLokola ntango babɛtaka nzete ya olive:
Kaka mbuma mibale to misato ya olive ekotikala na etape oyo eleki likoló,Kaka mbuma minei to mitano na bitape oyo ebotaka mbuma,”+ yango nde liloba ya Yehova Nzambe ya Yisraele.
7 Na mokolo yango, moto akotala Mozalisi na ye, mpe miso na ye ekotalatala mpenza Mosantu ya Yisraele.
8 Akotala bitumbelo te,+ mosala ya mabɔkɔ na ye;+ akotalatala te eloko oyo misapi na ye esali: banzete ya losambo* to bitumbelo ya mpaka ya malasi.
9 Na mokolo yango, bingumba na ye ya bandako ya makasi ekokóma lokola esika oyo basundolá na zamba,+Lokola etape oyo basundolá liboso ya Bayisraele;Ekokóma esika oyo etikalá mpamba.
10 Mpo obosani Nzambe+ ya lobiko na yo;Okanisi lisusu te Libanga+ ya ndako na yo ya makasi.
Yango wana oloni bilanga kitoko,Mpe otye wana mwa etape ya mopaya.*
11 Na moi, ozingaka malamumalamu elanga na yo na lopango,Na ntɔngɔ, osalaka ete molona na yo ebimisa nkasa,Kasi mbuma ya kobuka ekozala te na mokolo ya maladi mpe ya mpasi oyo esilaka te.+
12 Yoká! Ezali na ebele ya bato ya bikólo,Oyo bazali kosala makɛlɛlɛ lokola makɛlɛlɛ ya mbu!
Koganga ya bikólo,Oyo makɛlɛlɛ na yango ezali lokola konguluma ya mai ya makasi!
13 Bikólo ekosala makɛlɛlɛ lokola konguluma ya mai ebele.
Akopamela yango, mpe ekokima mosika,Bakobengana yango lokola mposo ya blé ya bangomba liboso ya mopɛpɛ,Lokola ekumbaki oyo ezali kobalusa bansende liboso ya mopɛpɛ ya makasi.
14 Na mpokwa, nsɔmɔ ekozala.
Liboso ntɔngɔ etana bakozala lisusu te.
Yango nde likabo ya baoyo bazali kobɔtɔla biso bilokoMpe libula ya baoyo bazali kopunza biso.
Maloba na nse
^ Lil., “bana ya Yisraele.”
^ To, “Lobwaku patatalu.”
^ Talá Ndimbola ya maloba.
^ To, “nzambe mopaya.”
