Yisaya 23:1-18
-
Liyebisi mpo na Tire (1-18)
23 Liyebisi mpo na Tire:+
Bino bamasuwa ya Tarasisi bóganga na kolela!+
Mpo babebisi libongo, esika ya kokɔta ezali lisusu te.
Bayebisaki bango likambo yango banda na mokili ya Kitime.+
2 Bófanda nyɛɛ, bino baoyo bofandi na mokili ya pembeni ya mbu.
Bato ya mombongo ya Sidone,+ baoyo bakatisaka mai ya mbu batondisi yo na bozwi.
3 Bamemi blé* ya Shihore*+ likoló ya mai mingi,Mbuma oyo babuki na Nile, biloko oyo mosala na ye epesi ye,Yango ekómi litomba ya bikólo.+
4 Ee Sidone, zalá na nsɔni; yo esika makasi ya libateli ya mbu,Mpo mbu elobi:
“Nayoká mpasi ya kobota te, nabotá te,Nabɔkɔlá bilenge mibali te, nakolisá bilenge basi mpe te.”*+
5 Bato bakomitungisa mingi ntango bakoyoka nsango ya Tire,+Ndenge ezalaki ntango bato bayokaki nsango ya Ezipito.+
6 Bókatisa tii na Tarasisi!
Bóganga na kolela, bino baoyo bofandi na mokili ya pembeni ya mbu.
7 Oyo nde engumba na bino oyo ezalaki kosepela makasi banda kala, banda bantango na yango ya ebandeli?
Makolo na ye ezalaki komema ye mpo afanda na mikili ya mosika.
8 Nani azwi ekateli oyo mpo na kotɛmɛla Tire,Mopesi mitole, oyo bato na ye ya mombongo bazalaki bankumu,Oyo bato na ye oyo basalaka mombongo,Bazalaki bato ya lokumu na mabele mobimba?+
9 Yehova ya mampinga ye moko nde azwi ekateli yango,Ya kokómisa kitoko na ye eloko mpamba mpe kosilisa lolendo na ye,Kokitisa bato nyonso ya lokumu na mabele.+
10 Ee mwana mwasi ya Tarasisi, katisá mokili na yo lokola Ebale Nile.
Esika ya kosala masuwa* ezali lisusu te.+
11 Asemboli lobɔkɔ na ye likoló ya mbu;Aningisi makonzi.
Yehova apesi mitindo ya kosilisa nyɛɛ bisika makasi ya libateli ya Fenisia.+
12 Mpe alobi: “Ee monyokwami, mwana mwasi,Ngɔndɔ ya Sidone, okosepela lisusu ata mokolo moko te.+
Tɛlɛmá, katisá tii na Kitime.+
Ata kuna, okopema te.”
13 Talá! Mokili ya Bakaladea.+
Bato oyo nde batongaki yango, kasi Asiri+ te,Bakómisi yango esika ya banyama ya mokili ekauká.
Batɛlɛmisi manɔ́ngi mpo na kobunda;Babebisi bandako milai na yango ya makasi,+Bakómisi yango bitiká oyo ezali kokweakwea.
14 Bino bamasuwa ya Tarasisi,Bóganga na kolela mpo esika makasi ya libateli na bino ebebisami.+
15 Na mokolo yango, bakobosana Tire mbula 70+ lokola bomoi* ya mokonzi moko. Na nsuka ya mbula 70, Tire ekokóma lokola mwasi ya ndumba oyo bayembi na loyembo oyo:
16 “Ee mwasi ya ndumba oyo babosaná, zwá nzɛnzɛ,
Baluká na engumba epai na epai. Bɛtá nzɛnzɛ malamumalamu;Yembá nzembo ebele,Mpo bákanisa yo.”
17 Na nsuka ya mbula 70, Yehova akotya likebi na ye na Tire, mpe Tire akozongela lifuti na ye mpe akosala pite na makonzi nyonso ya mabele, bipai nyonso na mabele.
18 Kasi litomba na ye ná lifuti na ye ekokóma eloko moko mosantu epai ya Yehova. Ekotyama na esika ya kobomba biloko te, ekobombama mpe te, mpo lifuti na ye ekozala ya baoyo bazali kofanda liboso ya Yehova, mpo bálya ndenge balingi mpe bálata bilamba ya kitoko.+
Maloba na nse
^ Lil., “Momboto.”
^ Elingi koloba, “lobɔkɔ ya ebale Nile.”
^ Lil., “bangɔndɔ.”
^ To mbala mosusu, “libongo.”
^ Lil., “mikolo.”
