Yisaya 27:1-13
27 Na mokolo yango, Yehova akotyela Leviatana* likebi, nyoka oyo esɛlimwaka,Leviatana, nyoka oyo elingamálingamá,Mpe ya solo, na mopanga na ye ya makasi mpe ya monene mpe ya nguya,+Akoboma nyama wana ya nsɔmɔ, oyo ezali na mbu.
2 Na mokolo yango, bóyembela mwasi wana boye:*
“Elanga ya vinyo oyo epesaka vinyo ya fulufulu!+
3 Ngai, Yehova, nazali kobatela ye.+
Namwangiselaka ye mai ntango nyonso.+
Nabatelaka ye butu moiMpo moto moko te asala ye mabe.+
4 Nazali na nkanda te.+
Soki moto moko atye mwa banzete ya nzubɛnzubɛ mpe matiti mabe na elanga na ngai ya vinyo nakobundisa ye.
Nakonyatanyata yango mpe nakotumba yango nyonso nzela moko.
5 Soki te, asimba makasi esika na ngai ya libateli.
Aluka kozala na kimya ná ngai;Aluka kozala na kimya ná ngai.”
6 Na mikolo ekoya, Yakobo akobimisa misisa,Yisraele akobimisa fololo mpe nkasa,+Mpe bakotondisa mokili na mbuma.+
7 Asengeli nde kobɛtama ndenge moko na moto oyo azali kobɛta ye?
Asengeli nde kobomama lokola bato oyo ye abomaki?
8 Ntango okotika ye akende, okobunda na ye na koganga moko ya nsɔmɔ.
Okobengana ye na mopɛpɛ na yo, mopɛpɛ moko makasi na mokolo ya mopɛpɛ ya ɛsti.+
9 Na ndenge wana nde libunga ya Yakobo ekozipama,+ mpe talá oyo ekosalema ntango lisumu na ye ekolongolama:Akosala ete mabanga nyonso ya etumbelo
Ekóma lokola mabanga ya mpɛmbɛ oyo bapanzipanzi,Mpe eloko moko te ekotikala, ezala banzete ya losambo* to bitumbelo ya mpaka ya malasi.+
10 Mpo engumba oyo ebatelami makasi ekotikala mpamba;Esika ya koleisa bibwɛlɛ matiti ekotikala kaka boye mpe ekosundolama lokola esobe.+
Mwana-ngɔmbɛ akolya matiti kuna, mpe akolala kunaMpe akolya bitape na ye.+
11 Ntango bitape na ye ya mike ekokauka,Basi bakoya mpe bakobuka yango,Mpo na kopelisela na yango mɔtɔ.
Mpo bato oyo bazali kokanga ntina te.+
Yango wana Mokeli na bango akoyokela bango mawa te,Mpe Moto oyo asalaki bango akomonisela bango boboto te.+
12 Na mokolo yango, Yehova akoningisa bambuma, uta na mai ya Ebale* oyo ezali kotíyola tii na mokɛli* ya Ezipito,+ mpe bakolɔkɔta bino mokomoko, Ee bato ya Yisraele.+
13 Na mokolo yango, bakoyula liseke moko monene,+ mpe baoyo bazali kokufa na mokili ya Asiri+ ná baoyo bapalanganá na mokili ya Ezipito+ bakoya mpe bakogumbamela Yehova na ngomba mosantu na Yerusaleme.+
Maloba na nse
^ Talá Ndimbola ya maloba.
^ Ekoki kozala ete ezali kolobela Yisraele, awa emonisami na mwasi mpe bakokanisi yango na elanga ya vinyo.
^ Talá Ndimbola ya maloba.
^ Elingi koloba, Efrate.
^ To, “wadi.” Talá Ndimbola ya maloba.
