Yisaya 31:1-9
31 Mawa na baoyo bazali kokita na Ezipito mpo na koluka lisalisi,+Baoyo batyeli bampunda motema,+Baoyo batye motema na makalo ya etumba, mpo ezali ebele,Mpe na bampunda ya etumba,* mpo ezali makasi.
Kasi batali te Mosantu ya Yisraele,Mpe baluki Yehova te.
2 Kasi azali mpe na bwanya mpe akomema mpasi,Mpe akobongola maloba na ye te.
Akotɛmɛla ndako ya basali-mabeMpe bato oyo basalisaka bato oyo basalaka mabe.+
3 Nzokande, Baezipito bazali kaka bato, kasi Nzambe te;Bampunda na bango ezali mosuni, kasi elimo te.+
Ntango Yehova akosembola lobɔkɔ na ye,Moto oyo asalisi akobɛta libakuMpe moto oyo basalisi akokwea;Bango nyonso bakosila na mbala moko.
4 Mpo talá oyo Yehova alobi na ngai:
“Kaka ndenge nkɔsi, mwana-nkɔsi ya makasi* engulumaka mpo na nyama oyo yango ekangi,Ata soki babateli ya mpate ebele bayei mpo na kobengana yango,Mongongo na bango ekobangisa yango te,Makɛlɛlɛ na bango ekobangisa mpe yango te,Ndenge wana nde Yehova ya mampinga akokita mpo na kobundelaNgomba Siona mpe ngomba moke na ye.
5 Ndenge kaka bandɛkɛ epumbwapumbwaka mpo na kobatela bana na yango, ndenge wana nde Yehova ya mampinga akobatela Yerusaleme.+
Akobatela mpe akobikisa yango.
Akobomba mpe akobikisa yango.”
6 “Ee bato ya Yisraele, bózongela Moto oyo botombokeli mpenza kotombokela.+
7 Mpo na mokolo yango moto na moto akobwaka banzambe na ye ya palata oyo ezangá ntina mpe banzambe na ye ya wolo ya mpambampamba, oyo mabɔkɔ na bino moko esalaki, yango ezalaki lisumu.
8 Mpe Moasiri akobomama na mopanga, kasi ya moto te;Mpe mopanga oyo ekolya ye ekozala ya moto te.+
Akokima mpo na mopanga,Mpe bakosalisa bilenge mibali na ye misala ya makasi.
9 Libanga na ye ekolimwa mpo na nsɔmɔ,Mpe bankumu na ye bakoyoka nsɔmɔ mpo na elembo,” yango nde liloba ya Yehova,Oyo pole* na ye ezali na Siona mpe oyo esika ya mɔtɔ makasi na ye ezali na Yerusaleme.
Maloba na nse
^ To, “batambwisi-mpunda.”
^ To, “mwana-nkɔsi oyo nkingo etondi na nsuki.”
^ To, “mɔtɔ.”
