Yisaya 4:1-6
4 Mpe na mokolo yango, basi nsambo bakokanga mobali moko+ mpe bakoloba ete:
“Tokolya limpa na biso mokoMpe tokolata bilamba na biso moko;Tiká bábenga biso kaka na nkombo na yoMpo na kolongola nsɔni na biso.”*+
2 Na mokolo yango, mwa nzete oyo Yehova akokolisa ekozala kitoko mpe na nkembo, mpe mbuma ya mokili ekozala eloko moko ya komikumisa na yango mpe ya kitoko mpo na bato ya Yisraele oyo babiki.+
3 Baoyo nyonso bakotikala na Siona mpe baoyo bakotikala na Yerusaleme bakobengama basantu, baoyo nyonso nkombo na bango ekomami mpo na kozala na bomoi na Yerusaleme.+
4 Ntango Yehova akosukola bosɔtɔ* ya bana basi ya Siona,+ akomonisela Yerusaleme nkanda na ye ya kongala mpe akosambisa ye mpe akopɛtola na kati na ye makila oyo asopaki,+
5 Yehova akozalisa mpe likoló ya Ngomba Siona mobimba mpe likoló ya esika ya mayangani na moi lipata ná milinga, na butu kongɛnga ya mɔtɔ oyo ezali kopela;+ mpo esika ya komibatela ekozala likoló ya eloko nyonso ya nkembo.
6 Mpe na moi, ekozala na ndako ya matiti oyo ekopesa elili mpo na komibatela na molunge,+ mpe mpo ezala esika ya kokima mpe ya komibomba na mopɛpɛ makasi mpe na mbula.+
Maloba na nse
^ Elingi koloba, ezali kosambwa oyo eyaka soki moto abali te mpe azali na bana te.
^ Lil., “nyɛi.”
