Yisaya 57:1-21
57 Moyengebene akufi,Kasi moto moko te atyeli yango likebi.
Bato ya sembo bakufi,+Mpe moto moko te azali kososola ete moyengebene azali lisusu teMpo na mpasi.*
2 Azali kokɔta na kati ya kimya.
Bazali kopema na bambeto* na bango, baoyo nyonso bazali kotambola na bosembo.
3 “Kasi bino, bópusana awa,Bino bana ya mwasi oyo azali nganga-nkisi,Bino bana ya mobali ya ekobo mpe ya mwasi ya ndumba:
4 Bozali kosɛka nani?
Nani bozali kofungolela monɔkɔ polele mpe kobimisela lolemo?
Bozali te bana ya kobuka mibeko,Bana ya bokosi,+
5 Baoyo bazikaka na mposa makasi na katikati ya banzete minene,+Na nse ya nzete nyonso oyo etondi na nkasa,+Baoyo babomaka bana na mabwaku,*+Na nse ya madusu ya mabanga?
6 Likabo na yo ezali na mabanga ya sɛlisɛli ya lobwaku.*+
Ɛɛ, yango nde libula na yo.
Osopeli yango ata mpe makabo ya masanga, mpe opesi makabo.+
Nasengeli nde kosepela* na makambo wana?
7 Otyaki mbeto na yo likoló ya ngomba ya molai mpe oyo etombwaná,+Mpe omataki kuna mpo na kopesa mbeka.+
8 Otyaki elembo ya ekeko na yo ya losambo nsima ya porte mpe ya likonzí ya porte.
Otikaki ngai, mpe omitikaki bolumbu;Omataki mpe okómisaki mbeto na yo monene.
Mpe osalaki kondimana na bango.
Osepelaki kozala na bango mbeto moko,+Mpe otalaki enama ya mibali.*
9 Okitaki na mafuta epai ya Meleke*Mpe na ebele ya malasi.
Otindaki bato na yo mosika,Okitaki na nse tii na Nkunda.*
10 Obomi nzoto mpo na kolanda ebele ya banzela na yo,Kasi olobi te ete: ‘Elikya ezali te!’
Ozwi lisusu makasi.
Yango wana otiki te.*
11 Ozalaki na nsɔmɔ ya nani mpe obandaki kobanga nani,Mpo obanda kokosa?+
Okanisaki ngai te.+
Otyaki likebi na eloko moko te.+
Nabombaki makambo mpe nafandaki nyɛɛ?+
Yango wana, obangaki ngai te.
12 Nakoyebisa bosembo+ na yo mpe misala+ na yo,Mpe ekopesa yo litomba te.+
13 Ntango okobelela mpo na koluka lisalisi,Bikeko na yo oyo oyanganisá ekobikisa yo te.+
Mopɛpɛ ekomema yango nyonso,Mwa mopɛpɛ ekomema yango,Kasi moto oyo azali kokima epai na ngai akozwa mokili ezala libula na yeMpe akozwa ngomba na ngai mosantu.+
14 Ekolobama ete: ‘Bótonga, bótonga nzela! Bóbongisa nzela!+
Bólongola libaku nyonso na nzela ya bato na ngai.’”
15 Mpo talá oyo Moto oyo azali likoló mpe atombwani,Oyo afandi mpo na libela+ mpe oyo nkombo na ye ezali mosantu,+ alobi:
“Nafandaka na esika oyo etombwaná mpe na esika mosantu,+Kasi mpe esika moko na baoyo batutami mpe baoyo bazali na elimo ya komikitisa,Mpo na kopesa lisusu bato ya komikitisa makasiMpe kopesa lisusu makasi na motema ya baoyo batutami.+
16 Mpamba te nakotɛmɛla bango te mpo na libelaMpe nakosilikela bango te ntango nyonso;+Mpo elimo ya moto ekolɛmba mpo na ngai,+Ata bikelamu oyo epemaka oyo nasalá.
17 Nasilikaki mpo na lisumu na ye ndenge azalaki koluka litomba na ndenge ya mabe,+Yango wana nabɛtaki ye, mpe lokola nazalaki na nkanda, nalongolaki likebi na ngai epai na ye.*
Kasi akobaki kaka kotambola lokola mopɛngwi+ mpe kolanda kaka nzela ya motema na ye.
18 Namoni makambo asalaka,Kasi nakobikisa ye+ mpe nakokamba ye+Mpe nakobɔndisa ye lisusu*+ ná bato na ye oyo bazali kolela.”+
19 “Nazali kotya lisanzoli na mbɛbu.
Kimya ya ntango nyonso ekopesama na moto oyo azali mosika mpe na moto oyo azali pene,”+ Yehova alobi bongo,“Mpe nakobikisa ye.”
20 “Kasi bato mabe bazali lokola mbu oyo ezali kotombwatombwana, oyo ezali kokoka kofanda nyɛɛ te,Oyo mai na yango ezali kobwakabwaka matiti ya mai mpe pɔtɔpɔtɔ.”
21 Nzambe na ngai alobi: “Bato mabe bazalaka na kimya te.”+
Maloba na nse
^ To mbala mosusu, “mpo na kokima mpasi.”
^ Elingi koloba, “na nkunda.”
^ To, “mabwaku ya mikɛli.”
^ To, “wadi.” Talá Ndimbola ya maloba.
^ To, “nasengeli nde komibɔndisa.”
^ Mbala mosusu ezali kolobela losambo ya bikeko.
^ To mbala mosusu, “mokonzi.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
^ Lil., “olɛmbaki te.”
^ Lil., “namibombaki.”
^ To, “nakopesa ye lisusu lifuti.”
