Yisaya 61:1-11
61 Elimo ya Yehova Nkolo Mokonzi-Oyo-Aleki-Nyonso ezali likoló na ngai,+Mpo Yehova atye ngai mafuta mpo nayebisa bato ya komikitisa nsango malamu.+
Atindi ngai nakanga mpota ya bato oyo bazoki na mitema,Nasakwela bakangami ete bakozwa bonsomiMpe ete miso ya bato ya bolɔkɔ ekofungwama polele,+
2 Nasakola mbula ya boboto ya YehovaMpe mokolo Nzambe na biso akozongisa mabe;+Mpo na kobɔndisa baoyo nyonso bazali kolela;+
3 Napesa baoyo bazali kolela mpo na Siona,Napesa bango eloko ya kolata na motó na esika ya putulu ya mɔtɔ,Mafuta ya nsai na esika ya kolela,Elamba ya lisanzoli na esika ya elimo ya kolɛmba nzoto;
Mpe bakobenga bango banzete minene ya bosembo,*Elanga ya Yehova, mpo na kokumisa ye.*+
4 Bakotonga lisusu bisika oyo ebebisamá kala;Bakotɛlɛmisa bisika ya kala oyo etikalá mpamba,+Mpe bakobongisa lisusu bingumba oyo ebebisamá,+Bisika oyo etikalaki mpamba libota na libota.+
5 “Bapaya bakotɛlɛma mpe bakobatela bitonga na bino,Mpe bapaya+ bakozala baloni-bilanga na bino mpe basali-bilanga na bino ya vinyo.+
6 Nde bino, bokobengama banganga-nzambe ya Yehova;+Bakobenga bino basaleli ya Nzambe na biso.
Bokolya biloko ya bikólo,+Mpe bokomikumisa na nkembo* na bango.
7 Na esika ya nsɔni bokozwa nde likabo mbala mibale,Mpe na esika ya kosambwa bakoganga na esengo mpo na likabo na bango.
Ɛɛ, bakozwa makabo mibale na mokili na bango.+
Bakozwa esengo ya seko.+
8 Mpo ngai Yehova nalingi bosembo,+Nayini moyibi mpe kozanga bosembo.+
Nakopesa bango lifuti na bango na bosembo mpenza,Mpe nakosala kondimana ya seko ná bango.+
9 Bana* na bango bakoyebana na kati ya bikólo,+Mpe bato ya libota na bango na kati ya bato ya bikólo.
Baoyo nyonso bakomona bango bakoyeba bango,Bakoyeba ete bazali bana* oyo Yehova apambolá.”+
10 Nakosepela mpenza na Yehova.
Nakozala* na esengo mingi na Nzambe na ngai.+
Mpo alatisi ngai bilamba ya lobiko;+Alíngi ngai kazaka ya bosembo,*Kaka lokola mobali ya libala oyo alati tirba, lokola nganga-nzambe,+Mpe lokola mwasi ya libala oyo alati biloko na ye ya kobongisa nzoto.
11 Mpo ndenge mabele ebimisaka milona na yango ya sika,Mpe ndenge elanga ebimisaka biloko oyo baloni kuna,Ndenge wana nde Yehova Nkolo Mokonzi-Oyo-Aleki-NyonsoAkobimisa bosembo+ mpe lisanzoli+ liboso ya bikólo nyonso.
Maloba na nse
^ To, “boyengebene.” Talá Ndimbola ya maloba.
^ To, “mpo akóma kitoko.”
^ To, “bozwi.”
^ Lil., “momboto.”
^ Lil., “momboto.”
^ To, “molimo na ngai ekozala.”
^ To, “kazaka ya bosembo oyo ezangá mabɔkɔ.”
